Border News Agency
မဏိပူရ၊ ဩဂုတ် ၂၉။
မဏိပူရပြည်နယ်၊ကမ်ဂျုန်းခရိုင်၊ခြားဆာဒ် ဒေသစစ်ဆင်ရေးအတွင်း အထောက်အထားမပြနိုင်တဲ့တရားမဝင်အိန္ဒိယရူပီ ၇၅ သိန်းနီးပါးကို သိမ်းဆည်းရမိခဲ့တယ်လို့ အာသံရိုင်ဖယ်တပ်က သြဂုတ်လ ၂၈ ရက်နေ့ထုတ်ပြန်ပါတယ်။
အဲဒီခြားဆာဒ်စစ်ဆေးရေးဂိတ်မှာ သြဂုတ်လ ၂၄ ရက်နေ့ကအဖြူရောင် Bolero ယာဉ်တစီးကိုတားဆီးစစ်ဆေးရာမှ ယာဉ်အတွင်း ဝှက်မောင်းလာတဲ့ ငွေကျပ် ၄၅ ဒသမ ၁၀ သိန်း၊ဖုန်း ၄ လုံးနဲ့အတူ လူ ၃ ဦးကိုဖမ်းဆီးရမိခဲ့တာပါ။
အဲဒီအပြင်ဩဂုတ်လ ၂၆ ရက်မှာလည်း ခေတ်မီ Alto ယာဉ်တစီးကို တားဆီးစစ်ဆေးခဲ့ရာမှ ငွေကျပ် ၂၉ ဒသမ ၉၂၅ သိန်းနဲ့အတူ အခြား လူ ၃ ဦးကို ထပ်မံဖမ်းဆီးရမိခဲ့ပါတယ်။
အဲဒီဖြစ်စဉ်နှစ်ခုအတွင်း ဖမ်းဆီးရမိခဲ့တဲ့ မသင်္ကာသူ ၆ ဦးအပါအဝင် ယာဉ် ၂ စီး၊သက်သေခံ ငွေကြေးနဲ့ပစ္စည်းတွေကို ဆက်လက်အရေးယူနိုင်ဖို့အတွက် ခြားဆာဒ်ရဲစခန်းထံ လွှဲပြောင်းပေးထားပါတယ်။
အဲဒီစစ်ဆင်ရေးတွေဟာ နယ်စပ်ဒေသတွေမှာ တရားမဝင်ငွေကြေးစီးဆင်းမှုနဲ့ မသမာတဲ့လှုပ်ရှားမှုတွေကို ဟန့်တားနိုင်ဖို့အတွက် အာသံရိုင်ဖယ်တပ်ဖွဲ့က အထူးကြပ်မတ်ဆောင်ရွက်နေတာလို့ ဆိုပါတယ်။
