Border News Agency
သာစည်၊ ဩဂုတ် ၂၉။
မန္တလေးတိုင်း၊ သာစည်မြို့နယ်၊ ကျွဲတပ်ဆုံကျေးရွာအနီးမှာ ဩဂုတ်လ ၂၂ ရက်၊ညပိုင်းက ၁၂ ဘီးကုန်တင်မော်တော်ယာဉ်တစီးကို တားဆီးစစ်ဆေးရာမှ ကျပ် ၇ ဒသမ ၉၂ ဘီလီယံတန်ဖိုးရှိ စိတ်ကြွဆေးပြား ၅ ဒသမ ၂၈ သန်းကို ဖမ်းဆီးရမိခဲ့တယ်လို့ မူးယစ်ဆေးဝါးတားဆီးကာကွယ်ရေးဗဟိုက သြဂုတ်လ ၂၈ ရက်၊မနေ့ကထုတ်ပြန်ပါတယ်။
အဲဒီနေ့ ည ၁၁ နာရီခွဲအချိန်မှာ ထက်အောင်မောင်းနှင်ပြီးတိုးတက်အောင်လိုက်ပါလာတဲ့ NISSAN ၁၂ ဘီးမော်တော်ယာဉ်ကို ရပ်တန့်စစ်ဆေးရာမှယာဉ်ပေါ်မှာ သယ်ဆောင်လာတဲ့စိတ်ကြွဆေးပြားတွေကို စတင်ဖမ်းဆီးရမိခဲ့တာပါ။
အဲဒီဖမ်းဆီးရမိတဲ့ စိတ်ကြွဆေးပြားတွေကို ရှမ်းပြည်တောင်ပိုင်း၊ တောင်ကြီးမြို့မှ ရန်ကုန်မြို့ဆီသယ်ဆောင်ခိုင်းသူမှာ အောင်ပန်းမြို့၊ အမှတ် ၃ရပ်ကွက်မှ ခွန်ရဲထွဋ်ဖြစ်တယ်လို့ဆိုပါတယ်။
အဲဒီဖမ်းဆီးရမိသူတွေကို မူးယစ်ဆေးဝါးနဲ့ စိတ်ကိုပြောင်းလဲစေသော ဆေးဝါးဆိုင်ရာဥပဒေနဲ့ အရေးယူထားပြီး ထွက်ပြေးလွတ်
မြောက်နေသူခွန်ရဲထွဋ်နဲ့ အခြားပါဝင်ပတ်သက်သူတွေကိုဖမ်းဆီးနိုင်ဖို့ စုံစမ်းစစ်ဆေးနေတယ်လို့ဆိုပါတယ်။
အဲဲဒီအပြင်မူးယစ်ဆေးဝါးရောင်းဝယ်ရာမှရလာတဲ့ ငွေကြေးနဲ့ပိုင်ဆိုင်မှုတွေကို ပြည်သူ့ဘဏ္ဍာအဖြစ်သိမ်းဆည်းနိုင်ရေးအတွက် ငွေကြေးခဝါချမှုတိုက်ဖျက်ရေးဥပဒေနဲ့ပါ ဆက်လက်အရေးယူသွားမယ်လို့ဆိုပါတယ်။
