Border News Agency
အီရန်၊စက်တင်ဘာ ၂၄။
အီရန်နိုင်ငံဟာ ဘယ်တော့မှဒူးထောက်အရှုံးပေးမှာမဟုတ်ဘူးလို့ အမေရိကန်နဲ့အစ္စရေးပူးပေါင်းပြီး စစ်ပွဲဆင်နွှဲခဲ့ပြီးနောက်ပိုင်း ပထမဆုံးအကြိမ်အဖြစ် စက်တင်ဘာလ ၂၃ ရက်ကပြုလုပ်တဲ့ ကုလသမဂ္ဂအထွေထွေညီလာခံမှာ အီရန်သမ္မတမာဆွတ်ပီဇက်ခီယန်က မိန့်ခွန်းပြောကြားခဲ့ပါတယ်။
အဲဒီမိန့်ခွန်းအတွင်း အီရန်သမ္မတကလေသံမာမာနဲ့ပြောကြားခဲ့တာဖြစ်ပြီး မိမိတို့နိုင်ငံအနေနဲ့ ဘယ်တော့မှစစ်ပွဲကိုစတင်ခဲ့တာမရှိဘူးလို့လည်း ထည့်သွင်း ပြောဆိုခဲ့ပါတယ်။
အဲဒီအပြင် အမေရိကန်အနေနဲ့ အီရန်ခေါင်းဆောင်ဟောင်းအယာတိုလာအလီခါမေနီကို ပဋိပက္ခစတင်ချိန်မှာလုပ်ကြံခဲ့တာဟာ အကြမ်းဖက်ဝါဒကိုကျူးလွန်ခဲ့တာဖြစ်တယ်လို့ သမ္မတမာဆွတ်ပီဇက်ခီယန်က စွပ်စွဲပြောကြားခဲ့ပါတယ်။
တဖက်မှာလည်း စက်တင်ဘာလ ၂၂ ရက်ကပြုလုပ်ခဲ့တဲ့ ကုလသမဂ္ဂအထွေထွေညီလာခံမှာ အမေရိကန်သမ္မတဒေါ်နယ်ထရန့်ကသူအနေနဲ့ အီရန်ကိုအမြစ်ဖြတ် ချေမှုန်းဖို့စဉ်းစားနေတယ်လို့ ပြောဆိုခဲ့တာဖြစ်ပါတယ်။
အမေရိကန်နဲ့အီရန်စေ့စပ်ဆွေးနွေးသူတွေအကြား ဆွေးနွေးပွဲတွေပြန်လည်စတင်နေတဲ့ အခြေအနေကိုတော့ သမ္မတဒေါ်နယ်ထရန့်က ထုတ်ဖော်ချီးကျူးခဲ့ပါတယ်။
