Border News Agency
ပုဏ္ဏားကျွန်း၊ အောက်တိုဘာ ၁။
အာရက္ခတပ်တော်(AA)ထိန်းချုပ်ထားတဲ့ ပုဏ္ဏားကျွန်းမြို့နယ်၊ကျောက်ဆိပ်ကျေးရွာအနီးကို စက်တင်ဘာလ ၃၀ ရက်၊ ည ၉ နာရီကျော်အချိန်ခန့်က အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီလိုတိုက်ခိုက်ခဲ့တာကြောင့် ပုဏ္ဏားကျွန်းမြို့ပေါ်ကနေ စစ်ဘေးရှောင်နေတဲ့ အသက်လေးနှစ်အရွယ်မောင်နေကျော်လင်းနဲ့ ကျောက်ဆိပ်ကျေးရွာက အသက်နှစ်ဆယ့်ခြောက်နှစ်အရွယ် မခင်ခင်သန်းတို့ဒဏ်ရာရသွားခဲ့ကြတာပါ။
အဲဒီမောင်နေကျော်လင်းရဲ့ ဘယ်ဘက်ခြေထောက်မှာ မှန်ကွဲစတွေထိမှန်ဒဏ်ရာရရှိခဲ့ပြီး မခင်ခင်သန်းမှာလည်း ပြင်းထန်ဒဏ်ရာတွေရရှိခဲ့တာဖြစ်ပါတယ်။
အဲဒီပုဏ္ဏားကျွန်းမြို့နယ်ကို အာဏာသိမ်းစစ်တပ်က ထိုးစစ်ဆင်နေပေမယ့် အာရက္ခတပ်တော်ကအပြင်းအထန်ခုခံနေတာမို့ အာဏာသိမ်းစစ်တပ်ဟာ ရှေ့မတိုးနိုင်ဖြစ်နေပါတယ်။
အဲဒီအပြင် အာရက္ခတပ်တော်က တန်ပြန်ထိုးစစ်ဆင်နေတာမို့ စစ်တွေမြို့နယ်အစပ်ကို အာဏာသိမ်းစစ်တပ်ကအပြင်းအထန်ခုခံနေရပါတယ်။
အဲဒါကြောင့် အာဏာသိမ်းစစ်တပ်ဟာ အာရက္ခတပ်တော်ထိန်းချုပ်ထားတဲ့ ပုဏ္ဏားကျွန်း၊ ရသေ့တောင်နဲ့ မြောက်ဦး၊ဝီရဋ္ဌာနီမြို့နယ်တွေကို စက်တင်ဘာလ ၃၀ ရက်၊ ညနေ ၉ နာရီကျော်အထိ တိုက်လေယာဉ်တွေနဲ့လေကြောင်းတိုက်ခိုက်မှုတွေ ဆက်တိုက် ပြုလုပ်ခဲ့တာဖြစ်ပါတယ်။
