Border News Agency
မီဇိုရမ်၊ အောက်တိုဘာ ၉။
အိန္ဒိယနိုင်ငံ၊မီဇိုရမ်ပြည်နယ်၊ချမ်ဖိုင်ခရိုင်မှာ အိန္ဒိယရူပီခြောက်ဆယ်ခုနှစ်သိန်းကျော်တန်ဖိုးရှိ တရားမဝင်နိုင်ငံခြားဖြစ် ဆေးလိပ်တွေကိုဖမ်းဆီးရမိခဲ့ပါတယ်။
အဲဒီချမ်ဖိုင်ခရိုင်မှာ အာသံရိုင်ဖယ်တပ်ဖွဲ့နဲ့ အကောက်ခွန်ဦးစီးဌာနတို့ပူးပေါင်းပြီး အောက်တိုဘာလ ၆ ရက်နေ့က တရားမဝင်ကုန်စည်တားဆီးရေးစစ်ဆင်ရေးပြုလုပ်ခဲ့တာပါ။
အဲဒီစစ်ဆင်ရေးကို ဇိုခေါသာရ်ရှိ စစ်ဆေးရေးဂိတ်နဲ့ မူအာလ်ကဝီးကျေးရွာမှာပြုလုပ်ခဲ့တာဖြစ်ပြီး တရားမဝင်တင်သွင်းလာတဲ့ ESSE Lights အမျိုးအစားရှစ် ဖာ နဲ့V Brand အမျိုးအစား ဖာနှစ်ဆယ်စုစုပေါင်းဆေးလိပ် ဖာနှစ်ဆယ့်ရှစ်ဖာကို ဖမ်းဆီးရမိခဲ့တာဖြစ်ပါတယ်။
အဲဒီတရားမဝင်ဆေးလိပ်တွေနဲ့အတူ မြန်မာနိုင်ငံသားတဦး အပါအဝင် စုစုပေါင်းလူသုံးဦးကိုလည်း အာဏာပိုင်တွေကဖမ်းဆီးခဲ့ပါတယ်။
အိန္ဒိယ-မြန်မာ နယ်စပ်ဒေသတွေမှာမတည်ငြိမ်မှုတွေနဲ့အတူ မှောင်ခိုကုန်စည် စိစစ်မှုတွေကို စစ်တပ်နဲ့ အာဏာပိုင်တွေကတင်းကျပ်နေတာကြောင့် နယ်စပ်ကုန်သွယ်ရေးလမ်းကြောင်းတွေအပေါ်မှာလည်း သက်ရောက်မှုတွေရှိနေတာဖြစ်ပါတယ်။
အဲဒီသိမ်းဆည်းရမိတဲ့ တရားမဝင်ဆေးလိပ်တွေနဲ့ ဖမ်းဆီးရမိသူသုံးဦးကို ဆက်လက်စုံစမ်းစစ်ဆေးပြီး ဥပဒေအရ အရေးယူနိုင်ဖို့ချမ်ဖိုင်မြို့ရှိ အကောက်ခွန် ဦးစီးဌာနဆီ လွှဲပြောင်းပေးထားပါတယ်။
