Border News Agency
မြန်အောင်၊ အောက်တိုဘာလ ၁၁။
ဧရာဝတီတိုင်းဒေသကြီး၊ မြန်အောင်မြို့နယ်မှာ မမြဆည်တာကျိုးပေါက်လို့ ရေဝင်ရောက်နိုင်တာကြောင့် အောက်တိုဘာလ ၁၀ရက်၊မနက်ပိုင်းကစတင်ပြီး ကျေးရွာခြောက်ရွာရှိ လူဦးရေကိုးရာခန့်ဟာ ရေလွတ်ရာကုန်းမြင့်တွေဆီအရေးပေါ်ရွှေ့ပြောင်းနေကြရပါတယ်။
အဲဒီမြန်အောင်မြို့နယ်၊မျှင်ဝါးတောင်ကျေးရွာအုပ်စု၊မမြဆည်မှာ အောက်တို ဘာလ ၇ ရက်နေ့က အက်ကြောင်းဖြစ်ပေါ်ခဲ့ပြီး အောက်တိုဘာ ၉ ရက်နေ့ညပိုင်းမှာ အလျား ၂၀၀ ပေ၊ အကျယ် ၂၅ ပေ၊ အမြင့် ၁၀ ပေခန့် တမံဆင်ခြေလျှောလျော့ကျမှုထပ်ဖြစ်ခဲ့ပါတယ်။
အဲဒီဆည်ရေပြင် ပေ ၃၁၅ မှ ၃၀၅ထိလျှော့ချနိုင်ဖို့ အရေးပေါ် ရေထုတ်လွှတ်မှုတွေပြုလုပ်နေတာကြောင့် ဆည်အောက်ခြေတလျှောက်ကကျေးရွာတွေ ဘေးလွတ်ရာကုန်းမြင့်တွေဆီအရေးပေါ်ရွှေ့ပြောင်းနေကြရတာပါ။
အဲဒီဆည်ရေဝင်ရောက်နိုင်ခြေရှိတဲ့ စမ်းရွာကြီး၊ ဥယျာဉ်ကွင်း၊ မရွေးကုန်း၊ ရွာသစ်ကုန်း၊ ငါးဘတ်ကျနဲ့ ရေနံချက်ဖိုကုန်းကျေးရွာတွေမှ လူဦးရေကိုးရာခန့်ဟာ ဘေးလွတ်ရာသို့ ကြိုတင်ရွှေ့ပြောင်းနေကြရတာဖြစ်ပါတယ်။
အဲဒီတာဘောင်ပြိုကျမှုပိုမိုဆိုးရွားလာပြီးကျိုးကျလုနီးပါးဖြစ်နေတာကြောင့် တမံအခြေထောက်တာနဲ့ အရေးပေါ်ရေထုတ်လွှတ်ရေးတွေကို တာဝန်ရှိသူတွေက ဆောင်ရွက်နေကြပါတယ်။
