Border News Agency
ကျောက်တော်၊ ဇွန် ၁၈။

အာရက္ခတပ်တော်(AA)ထိန်းချုပ်နယ် မြေပြင်ပသို့ထွက်ခွာသွားလာနေကြတဲ့အာရက္ခပြည်သူတချို့ကို လူကုန်ကူးသမားတွေဟာ ပစ်မှတ်ထားရောင်းစားနေကြတယ်လို့ အာရက္ခပြည်သူတွေက ဆိုကြပါတယ်။

အဲဒီလူကုန်ကူးသမားတွေဟာ အာရက္ခပြည်သူတွေဆီက ငွေကြေးရယူကြသလို အာရက္ခပြည်သူတွေကို စစ်ကောင်စီတပ်ဆီမှာ လူကုန်ကူးရောင်းစားနေကြတာလို့ ကိုယ်တိုင်ကြုံတွေ့ခဲ့ကြရသူတွေရဲ့မိသားစုဝင်တွေက ဆိုကြပါတယ်။

အဲဒီလူကုန်ကူးသမားတွေဟာ အာရက္ခပြည်သူတွေကို ရန်ကုန်သို့သွားရာလမ်းတွေရှိ စစ်ကောင်စီတပ်စစ်ဆေးရေးဂိတ်တွေ၊ တပ်စခန်းတွေ၊ တပ်ရင်းတွေမှာလူကုန်ကူးရောင်းစားနေကြတာလို့ကို ယ်တိုင်ကြုံတွေ့ခဲ့ကြရသူတွေရဲ့မိသား စုဝင်တွေက ဆိုကြပါတယ်။

“ရခိုင်ကနေ ရန်ကုန်ရောက်တဲ့ထိ သိန်းနှစ်ဆယ်စီပေးရတယ်။လူပွဲစားတွေက ကိုယ့်အဆက်အသွယ်တွေနဲ့တဆင့်ခံပို့ပေးတာ။လမ်းခရီးမှာအခက်အခဲတွေအမျိုးမျိုးရှိတယ်။အေအေထိန်းချုပ်နယ်မြေတွေကျော်လွန်ပြီး စစ်ကောင်စီထိန်းချုပ်နယ်မြေတွေဘက်ကိုရောက်ရင် လာခေါ်တဲ့လူပွဲစားတွေက ဗမာစကားတွေပြောကြတယ်။ ပြီးရင်စစ်ကော င်စီတပ်ဆီမှာ ရောင်းစားတာတွေရှိတ ယ်။” လို့ ကိုယ်တိုင်ကြုံတွေ့ခဲ့ရတဲ့အာရက္ခပြည်သူတဦးက Border News Agency ကို ပြောပါတယ်။

အာရက္ခတပ်တော်ထိန်းချုပ်နယ်မြေတွေက ရန်ကုန်သို့သွားရောက်ကြမယ့်သူတွေဟာ ပို့ဆောင်ပေးကြမယ့်လူကုန်ကူးပွဲစားတွေကို လူတဦးကို အနည်းဆုံးကျပ်သိန်းနှစ်ဆယ်ထိပေးနေကြရပြီးတချို့မြို့နယ်တွေကဆိုရင် ပိုပြီးပေးနေကြရတယ်လို့ အာရက္ခပြည်သူတွေက ဆိုကြပါတယ်။

အဲဒီလူကုန်ကူးပွဲစားတွေဟာ လူကုန်ကူးအဖွဲ့တွေကို စနစ်တကျကွန်ရက်ဖွဲ့ထားပြီး အာရက္ခတပ်တော်ကအရာရှိတ ချို့၊နယ်မြေမှူးတချို့ကို ငွေပေးစည်းရုံးပြီး အာရက္ခပြည်သူတွေကို လူကုန်ကူး
ရောင်းစားနေကြတာလို့ အာရက္ခပြည်သူတွေက ဆိုကြပါတယ်။

အဲဒီလူကုန်ကူးအုပ်စုတွေဟာ အာရက္ခပြည်သူတဦးကို ကျပ်သိန်းခြောက်ဆ ယ်ရယူပြီး စစ်ကောင်စီထိန်းချုပ်နယ် မြေတွေရောက်ရင် ရောင်းစားနေကြတာလို့ လူကုန်ကူးရောင်းစားခံလိုက်ကြ
ရသူတွေရဲ့မိသားစုဝင်တွေက ဆိုကြပါတယ်။

အဲဒီလိုလူကုန်ကူးရောင်းစားခံလိုက်ကြရသူတွေဟာ စစ်ကောင်စီတပ်ဆီမှာအတင်းအဓမ္မစစ်မှုထမ်းနေကြရပေမယ့်မိမိဆန္ဒသဘောအတိုင်းစစ်မှုထမ်းဖို့ဝင်ရောက်လာတယ်လို့ အတင်းအဓမ္မလက် မှတ်ရေးထိုးခိုင်းတယ်လို့လည်း လူကုန်ကူးရောင်းစားခံလိုက်ကြရသူတွေရဲ့မိသားစုဝင်တွေက ဆိုကြပါတယ်။

အဲဒီလိုမိမိဆန္ဒသဘောအတိုင်း စစ်မှု ထမ်းဖို့ဝင်ရောက်လာတယ်လို့ သဘောတူဝန်ခံလက်မှတ်မထိုးရင် ရိုက်နှက်တာတွေ၊နှိက်စက်တာတွေပြုလုပ်သလိုအစာရေစာမကျွေးဘဲထားတာတွေထိ
ကျူးလွန်ခံနေကြရတယ်လို့ လူကုန်ကူးရောင်းစားခံလိုက်ကြရသူတွေရဲ့မိသား စုဝင်တွေက ဆိုကြပါတယ်။

အဲဒီအပြင် လူကုန်ကူးရောင်းစားခံလို က်ရပြီး အတင်းအဓမ္မစစ်မှုထမ်းစု ဆောင်းခံနေကြရသူတွေရဲ့မိသားစုဝင်တွေကို ဆက်သွယ်ခြိမ်းခြောက်ငွေညှစ်တာတွေလည်းခံနေကြရတယ်လို့ လူကုန်ကူးရောင်းစားခံလိုက်ကြရသူတွေရဲ့မိသားစုဝင်တွေက ဆိုကြပါတယ်။

“ကျွန်မတို့ သားလေးက သူ့အဖေနဲ့အစ် ကိုရှိတဲ့ တရုတ်ကိုသွားတာ။လမ်းမှာ ပွဲ စားက စစ်ကောင်စီတပ်ဆီမှာ ရောင်း စားလိုက်တာလို့ သူနဲ့အတူပါသွားတဲ့သူတွေဆီက သတင်းကြားရတယ်။ပွဲစားက တရုတ်မှာရှိတဲ့ ကျွန်မသားနဲ့ယော ကျာ်းဆီကိုဆက်သွယ်ပြီး စစ်ကောင်စီက ဖမ်းသွားလို့ သူ့ကို ပိုက်ဆံနဲ့ရွေးရမ ယ်။ငွေလွှဲပေးဆိုပြီး ငွေညှစ်တယ်။ကျွ န်မတို့က သားတယောက်လုံးရောင်းစားခံရတာ။မိသားစုစားဝတ်နေရေးအခက် အခဲကြောင့် ပြည်ပကိုခိုးထွက်တာမို့လို့ ဘယ်သူ့ဆီတိုင်ကြားရမှန်းမသိဘူးဖြစ်နေတယ်။”လို့ ကျောက်တော်မြို့နယ်မှ စစ်ကောင်စီတပ်ထံရောင်းစားခံထားရတဲ့လူငယ်တဦးရဲ့မိခင်ဖြစ်သူက Border News Agency ကို ပြောပါတယ်။

အာရက္ခတပ်တော်ထိန်းချုပ်နယ်မြေတွေမှာ အမျိုးသားကာကွယ်ရေးဆိုင် ရာအရေးပေါ်ပြဋ္ဌာန်းချက်ကို ပြီးခဲ့တဲ့မတ်လ ၁၈ ရက်နေ့ကတည်းက ပြဋ္ဌာန်းထားပြီး အရက္ခတပ်တော်ထိန်းချုပ်နယ်
မြေပြင်ပသို့ ထွက်ခွာခွင့်တွေကို တရား ဝင်တားမြစ်ထားပါတယ်။

အဲဒါကြောင့် အရက္ခတပ်တော်ထိန်းချု ပ်နယ်မြေပြင်ပသို့ အခကြေးငွေယူပို့ဆောင်ပေးနေကြသူတွေကို တွေ့ရှိရင်ဥပဒေအရအရေးယူခံရမယ်လို့ ထုတ်ပြန်ထားပါတယ်။

ဒါပေမယ့် လူကုန်ကူးသမားတွေ၊ လူကုန်ကူးအုပ်စုတွေ၊လူကုန်ကူးအဖွဲ့တွေကိုတားဆီးကာကွယ်အရေးယူမယ့်အ ကြောင်းတွေကို အာရက္ခပြည်သူတွေမသိကြသလို အမျိုးသားကာကွယ်ရေးဆိုင်ရာအရေးပေါ်ပြဋ္ဌာန်းချက်အရ စစ်မှုထမ်းရမယ့်အကြောင်းကို မသိကြသူတွေလည်းရှိနေသေးတယ်လို့ အာရက္ခပြည်သူတွေက ဆိုကြပါတယ်။

အာရက္ခပြည်သူတွေဟာ စစ်ကောင်စီတပ်ဆီမှာ စစ်မှုထမ်းအဖြစ်အတင်းအ ဓမ္မရောင်းစားထံနေကြရမှုတွေအပြင်အမျိုးသမီးတွေကိုလည်း တရုတ်ဇနီးမယားအဖြစ်ရောင်းစားခံနေကြရတာတွေ၊လိင်လုပ်သားတွေအဖြစ် အတင်းအဓမ္မ လူကုန်ကူးရောင်းစားခံနေကြရတယ်လို့ အာရက္ခပြည်သူတွေက ဆိုကြပါတယ်။