Border News Agency
ကိုလံဘီယာ၊ သြဂုတ် ၁၂။
ကိုလံဘီယာနိုင်ငံ၊ကာလီမြို့မှာ လှုပ်ခတ်ခဲ့တဲ့ အင်အားပြင်းငလျင်ကြောင့် ပြိုကျသွားတဲ့ငါးထပ်တိုက်အဆောက်အအုံ အပျက်အစီးတွေကြားကနေ သိုးညှင်းသံလေးတခုကို စေတနာ့ဝန်ထမ်းတဦးက သတိထားမိခဲ့တာကြောင့် အသက်ရှူရခက်ခဲနေတဲ့ ကလေးငယ်တဦးကို အသက်ရှင်လျက်ကယ်ဆယ်နိုင်ခဲ့ပါတယ်။
ဘရိုင်ယန် အိုဆိုရီယို ဇူလူအာဂါဆိုသူ အမျိုးသားဟာ အလုပ်မှ အပြန်လမ်းမှာ ပြိုကျနေတဲ့ La Torre del Limonar လူနေအဆောက်အအုံကိုတွေ့ရှိခဲ့တာကြောင့် ဓာတ်ငွေ့ယိုစိမ့်မှုနဲ့ လျှပ်စစ်ကြိုးအန္တရာယ်တွေရှိနေတဲ့ကြားကဝင်ရောက်ရှာဖွေခဲ့တာဖြစ်ပါတယ်။
သူနဲ့အတူ အနီးအနားရှိစေတနာ့ဝန်ထမ်းခုနှစ်ဦးခန့် စုပေါင်းပြီး လေးလံတဲ့ကွန်ကရစ်တုံးကြီးကို အားစိုက်မယူကာ ပိတ်မိနေသူတွေဆီရောက်ရှိအောင် ဖယ်ရှားပေးခဲ့ကြတာကြောင့် ပိတ်မိနေတဲ့အမျိုးသားတဦးနဲ့အတူအသက်ရှူကျပ်ပြီးမျက်နှာပြာနှမ်းနေတဲ့ ကလေးငယ်ကို ဘေးကင်းစွာထုတ်ယူနိုင်ခဲ့ပါတယ်။
ဆွဲထုတ်နိုင်ခဲ့တဲ့ ကလေးငယ်ကို ရဲတပ်ဖွဲ့ထံမှတဆင့် လူနာတင်ယာဉ်နဲ့ဆေးရုံသို့ ပို့ဆောင်ပေးခဲ့ပြီး ပိတ်မိနေတဲ့ အမျိုးသားကိုလည်း မီးသတ်တပ်ဖွဲ့က ဆက်လက်ကယ်ထုတ်ပေးခဲ့ပါတယ်။
အနောက်ပိုင်းကိုလံဘီယာမှာ လှုပ်ခတ်ခဲ့တဲ့ အဲဒီပြင်းအား ၇.၄ မဂ္ဂနီကျုရှိ ငလျင်ကြောင့် လက်ရှိမှာသေဆုံးသူဦးရေနှစ်ရာကျော်သွားပြီဖြစ်ကာ ဒေသခံတွေ၊မီးသတ်တပ်ဖွဲ့၊ရဲနဲ့ စစ်တပ်တို့ပူးပေါင်းပြီး အပျက်အစီးတွေကြား ရှာဖွေကယ်ဆယ်ရေးတွေလုပ်နေပါတယ်။
