Border News Agency
ကျောက်ဖြူ၊ ဇူလိုင် ၁။
စစ်ကောင်စီမှာ ပုဂ္ဂလိကလုံခြုံရေးကုမ္ပဏီတွေ တရားဝင်လက်နက်ကိုင်ဆောင်ခွင့်လိုင်စင်လျှောက်ထားမှုတွေကို ကြီးကြပ်ဖို့မယ့်ကော်မတီကို ဖွဲ့စည်းလိုက်တယ်လို့ ဇွန်လ ၂၇ ရက်နေ့ရက်က
မြန်မာနိုင်ငံပြန်တမ်းမှာ ဖော်ပြထားပါတယ်။
အဲဒီကော်မတီမှာ ရခိုင်ပြည်နယ်လုံခြုံရေးနဲ့နယ်စပ်ရေးရာဝန်ကြီးကဥက္ကဋ္ဌ၊ ပြည်နယ်ရဲတပ်ဖွဲ့မှူးကအတွင်းရေးမှူး၊အနောက်ပိုင်းတိုင်းစစ်ဌာနချုပ်ကိုယ် စားလှယ်အပါအဝင် ဌာနဆိုင်ရာအရာရှိ
တွေဟာ အဖွဲ့ဝင်တွေဖြစ်ကြပါတယ်။
အဲဒီကော်မတီမှာ အဖွဲ့ဝင်တဆယ်လေးဦးပါဝင်ပြီး ပုဂ္ဂလိကလုံခြုံရေးဝန်ဆောင်မှုဆိုင်ရာဥပဒေပုဒ်မ(၆)၊ ပုဒ်မခွဲ(က) အရ ဖွဲ့စည်းတာဖြစ်ပါတယ်။
အဲဒီကော်မတီဟာ လိုင်စင်လျှောက် ထားမှုတွေကို ဗဟိုကြီးကြပ်ရေးအဖွဲ့နဲ့ စိစစ်ဆောင်ရွက်တာ၊စည်းကမ်းဖောက်ဖျက်မှုတွေအတွက် အရေးယူတာ၊ပုဂ္ဂ လိကလုံခြုံရေးဝန်ထမ်းတွေရဲ့ ဝတ်စုံ၊တံဆိပ်၊ အဆင့်သတ်မှတ်ချက်တွေကို စီစစ်တာစတဲ့ လုပ်ငန်းတာဝန် ၁၂ ချက်ကို ဆောင်ရွက်ရမှာဖြစ်ပါတယ်။
မြန်မာနဲ့ ပူးပေါင်းလုံခြုံရေးကုမ္ပဏီ (Joint Venture Security Company) ထူထောင်ဖို့ တရုတ်နိုင်ငံက ပြီးခဲ့တဲ့နှစ်မှာ စစ်ကောင်စီကို အဆိုပြုခဲ့ပါတယ်။
အဲဒီနောက် ပုဂ္ဂလိကလုံခြုံရေးဝန်ဆောင်မှုဆိုင်ရာဥပဒေကို စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်က ပြီးခဲ့တဲ့ဖေဖော်ဝါရီလ ၁၈ ရက်နေ့မှာ လက်မှတ်ရေးထိုးပြဌာန်းခဲ့တာပါ။
အဲဒီဥပဒေအရပြည်တွင်းပြည်ပက လုံခြုံရေးကုမ္ပဏီတွေကို မြန်မာနိုင်ငံမှာ စလက်နက်၊ ခဲယမ်းကိုင်ဆောင်ခွင့်ပြုလိုက်တာဖြစ်ပါတယ်။
အဲဒီဥပဒေပြဋ္ဌာန်းပြီးနောက် ကျောက်ဖြူမြို့နယ်က တရုတ်ရင်းနှီးမြှုပ်နှံမှုတွေမှာ လက်နက်ကိုင်တရုတ်လုံခြုံရေးဝန်ထမ်းတွေ ရောက်ရှိလာခဲ့ကြတယ်လို့ကျောက်ဖြူဒေသခံတချို့ကဆိုကြပါတယ်။
မြန်မာနိုင်ငံမှာ ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၂ (ခ)မှာ နိုင်ငံတော်အတွင်း ဘယ်နိုင်ငံခြားတပ်ဖွဲ့ကိုမှ တပ်ချခွင့်မပြုဘူးလို့ ပြဋ္ဌာန်းထားတာမို့ အဲဒီဥပဒေပြဋ္ဌာန်းချက်အပေါ် စစ်ကောင်စီကိုထောက်ခံသူတွေလည်း ဝေဖန်မှုတွေရှိနေကြပါတယ်။
တိုင်းနဲ့ပြည်နယ်အဆင့်ပုဂ္ဂလိကလုံခြုံ ရေးဝန်ဆောင်မှုကြီးကြပ်ရေးကော်မတီကို ဖွဲ့စည်းထားပြီး ပြည်တွင်းပြည်ပပု ဂ္ဂလိကလုံခြုံရေးဝန်ဆောင်မှုကုမ္ပဏီတွေလည်း တရားဝင်လိုင်စင်လျှောက် ထားနိုင်မှာ ဖြစ်ပါတယ်။
အာရက္ခအဆုံးအဖြစ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝင် တဆယ့်ငါးမြို့နယ်ကို အပြီးသတ်သိမ်းပိုက်ထားပြီးကျောက်ဖြူ၊ စစ်တွေ၊မာ န်အောင်သုံးမြို့နယ်သာ သိမ်းပိုက်ဖို့ကျန်နေပါတယ်။
စစ်တွေမြို့မှာအိန္ဒိယရင်းနှီးမြှုပ်နှံမှုတွေရှိပြီး ကျောက်ဖြူမြို့နယ်မှာတရုတ်ရင်းနှီးမြှုပ်နှံမှုတွေတည်ရှိနေသလိုအာရက္ခတပ်တော်နဲ့ စစ်ကောင်စီတပ်ကြား နှစ်ဘက်စစ်ရေးတင်းမာနေကြပါတယ်။
