Border News Agency
ကျောက်တော်၊ သြဂုတ် ၁၃။
အာရက္ခဒေသမှာ နှစ်လအတွင်းမိုးသည်းထန်စွာရွာသွန်းခဲ့ပြီးရေကြီးရေလျံတာ၊မြေပြိုတာတွေကြောင့် လူလေးသောင်းနှစ်ထောင်လေးရာငါးဆယ်ကိုးဦးရေဘေးသင့်ခဲ့တယ်လို့အာရက္ခတပ်တော်(AA)ရဲ့လူသားချင်းစာနာထောက် ထားရေးနဲ့ ဖွံ့ဖြိုးရေးဆိုင်ရာပူးပေါင်းဆောင်ရွက်ရေးရုံး(HDCO)က သြဂုတ်လ ၁၃ ရက်၊ ဒီနေ့ ထုတ်ပြန်ပါတယ်။
အဲဒီတောင်ကုတ်၊ ကျောက်တော်၊ ပုဏ္ဏားကျွန်း၊ မြောက်ဦး၊ မင်းပြား၊ ဘူးသီးတောင်၊ မောင်တောနဲ့ ရသေ့တောင်စတဲ့မြို့န ယ်တွေမှာဇွန်လမှဇူလိုင်လထိ မိုးအဆက်မပြတ်ရွာသန်းခဲ့တာကြောင့် ရေကြီးရေလျှံဖြစ်ခဲ့ပါတယ်။
အဲဒီလိုရေကြီးရေလျှံတာ၊မြေပြိုတာတွေကြောင့် အိမ်ထောင်စုကိုးထောင့်ခုနှစ်ရာခြောက်ဆယ်တစုမှလူဦးရေလေးသောင်းနှစ်ထောင်လေးရာငါးဆယ်ကိုးဦးရေဘေးသင့်ခဲ့ပါတယ်။
အဲဒီထဲမှာအရပ်သားနှစ်ဆယ့်တဦးသေဆုံးသွားခဲ့တယ်လို့ဆိုပါတယ်။
အဲဒီအပြင်နေအိမ်ငါးဆယ်သုံးလုံးIDP ရုံးခန်းနှစ်ခန်းလည်းပျက်စီးခဲ့တယ်လို့ဆိုပါတယ်။
နောက်ပြီးကျေးရွာတရာ့ခြောက်ဆယ့်ငါးရွာမှ နေအိမ်တွေပျက်စီးတာ၊စပါးခင်းတွေပျက်စီးတာ၊ရေတွင်း၊ရေကန်တွေပျက်စီးတာ၊လမ်း၊တံတားတွေပျ က်စီးခဲ့ပြီး လူသေဆုံးခဲ့ကြတယ်လို့ဆိုပါတယ်။
အဲဒီအပြင် ထွန်ယက်စိုက်ပျိုးထားတဲ့လယ်ဧကတသောင်းရှစ်ထောင်ကျော်ပျက်စီဆုံးရှုံးခဲ့သလို တိရိစ္ဆာန်တွေထောင်ချီသေဆုံးခဲ့ပြီးလမ်း၊တံတားဆယ့်သုံးစင်း၊ရေတွင်း၊ရေကန်ဆယ့်ရှစ်ခုပျက်စီးခဲ့ပါတယ်။
ကျောက်တော်၊ပုဏ္ဏားကျွန်း၊ မင်းပြား၊ ဘူးသီးတောင်၊ မောင်တော စတဲ့မြိုနယ်တွေမှာ လမ်း၊တံတားတွေ ပျက်စီးခဲ့ပါတယ်။
အဲဒါကြောင့်ရေဘေးသင့်ပြည်သူတွေဟာ နိုင်ငံတကာလူသားချင်းစာနာထော က်ထားမှုဆိုင်ရာအကူအညီတွေလိုအပ်နေကြတယ်လို့ ဆိုကြပါတယ်။
