Border News Agency
ပလက်ဝ၊ စက်တင်ဘာ ၃။
အာရက္ခတပ်တော်(AA)ထိန်းချုပ်ထားတဲ့ ပလက်ဝမြို့နယ်၊ရှင်းလက်ဝကျေး ရွာရှိစစ်ဆေးရေးဂိတ်မှာယာယီနယ်စပ်ဖြတ်ကျော်ခွင့်လက်မှတ်ကို ထုတ်ပေးနေတယ်လို့ ခရီးသွားပြည်သူတွေက ဆိုကြပါတယ်။
အဲဒီလက်မှတ်ကို ရက္ခိုင်အမျိုးသားအဖွဲ့ချုပ်(ULA)ရဲ့ပြင်ပဆက်ဆံရေးဗျူရို၊ နယ်စပ်ဆက်ဆံရေးရုံး(အိန္ဒိယ)က ထုတ်ပေးနေတာဖြစ်ပြီးအာရက္ခတပ်တော်ထိန်းချုပ်နယ်မြေအားလုံးမှ အိန္ဒိယနိုင်ငံ၊ မီဇိုရမ်ပြည်နယ်ကိုသွားမယ့်သူအား လုံးမဖြစ်မနေပြုလုပ်နေကြရတယ်လို့ခရီးသွားပြည်သူတွေက ဆိုကြပါတယ်။
အဲဒီလက်မှတ်ကိုပြီးခဲ့တဲ့သြဂုတ်လကစတင်ပြုလုပ်ပေးနေတာဖြစ်ပြီး တပတ်သာခွင့်ပြုပေမယ့် အိန္ဒိယနိုင်ငံ၊မီဇိုရမ်ပြည်နယ်အစိုးရက အသိအမှတ်ပြုလ က်ခံ၊မခံမသိရဘူးလို့ ခရီးသွားပြည်သူတွေက ဆိုကြပါတယ်။
“မီဇိုရမ်ကိုသွားသူတိုင်း တပ်တော်ဆီမှာလက်မှတ်လုပ်ရပါတယ်။ ခုနောက်ပိုင်းအဲဒါမလုပ်ရင်တပ်တော်က မီဇိုရမ်ကိုသွားခွင့်မပေးပါဘူး။တပတ်ခွင့်ပြုပါတယ်။ဒါပေမယ့် ကားလမ်းတွေပိတ်လို့ကြာသွားရင်လည်းရပါတယ်။” လို့ မီဇိုရမ်ပြည်နယ်သို့မကြာခဏစျေးလာဝယ်နေသူကျောက်တော်မြို့နယ်မှကုန်သည်တဦးက Border News Agency ကို ပြောပါတယ်။
အဲဒီယာယီနယ်စပ်ဖြတ်ကျော်ခွင့်လက် မှတ်မှာ ဓာတ်ပုံ၊နာမည်၊ကျား၊မ၊လူမျိုး၊လိပ်စာ၊အဖနာမည်၊မွေးသက္ကရာဇ်၊သွားရောက်ရတဲ့ရည်ရွယ်ချက်၊ခရီးစဥ်အသေးစိတ်၊ခရီးကြာချိန်ကအစအ သေးစိတ်ဖြည့်သွင်းရတယ်လို့ ကိုယ်တို င်ဖြည့်ခဲ့ကြရသူတွေက ဆိုကြပါတယ်။
အရင်တုန်းကတော့ ဘာအထောက်အ ထားအချက်အလက်တွေမလိုဘဲ မီဇိုရမ်ပြည်နယ်သို့ လွတ်လပ်စွာခရီးသွားလာခွင့်ရခဲ့ပေမယ့် ပြီးခဲ့တဲ့သြဂုတ်လကစပြီး ယာယီနယ်စပ်ဖြတ်ကျော်ခွင့် လက်မှတ်ကို ခရီးသွားသူတိုင်းမဖြစ်မနေလုပ်နေကြရတာလို့ ဆိုကြပါတယ်။
ဒါပေမယ့် အဲဒီယာယီနယ်စပ်ဖြတ်ကျော်ခွင့်လက်မှတ်ကို မီဇိုရမ်ပြည်နယ်အစိုးရက အသိအမှတ်ပြုစစ်ဆေးတာတွေမရှိတာမို့ ခရီးသွားပြည်သူတွေအတွက် မလိုအပ်သလိုဖြစ်နေတယ်လို့ ခ ရီးသွားပြည်သူတွေက ဝေဖန်ပြောဆိုကြပါတယ်။
အာရက္ခတပ်တော်ဟာ ပလက်ဝမြို့နယ်အပါအဝင်တဆယ့်ငါးမြို့နယ်ကို အပြီးသတ်ထိန်းချုပ်ထားပြီး အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေဖော်ဆောင်နေပါတယ်။
အာရက္ခတပ်တော်ဟာ အာရက္ခ-အိန္ဒိယနယ်စပ်၊ အာရက္ခ-ဘင်္ဂလာနယ်စပ်ကို ထိန်းချုပ်ထားပြီး နယ်စပ်ဖြတ်ကျော်သွားလာတာတွေ၊ နယ်စပ်ကုန်သွယ်ရေးတွေကို ထိန်းချုပ်ဆောင်ရွက်နေသလို နယ်စပ်တွေမှာလုံခြုံရေးတင်းကြပ်ထားတယ်လို့ ခရီးသွားပြည်သူတွေက ဆိုကြပါတယ်။
