Border News Agency

မောင်တော၊ဇူလိုင် ၃၁။ ရိုဟင်ဂျာအကြမ်းဖက်သမားတွေပစ်သတ်လို့ တလအတွင်း မောင်တောဒေသခံအရပ်သားဆယ်ဦးထိသေဆုံးသွားခဲ့တယ်လို့ မောင်တောဒေသခံတွေက ဆိုကြပါတယ်။ အဲဒီအထဲမှာဇူလိုင်လဒုတိယအပတ်က တောင်ပြို -ကြိမ်ချောင်းကားလမ်း၊တရိန်းကျေးရွာအကျော်မှာ ရိုဟင်ဂျာအမည်ခံအကြမ်းဖက်သမားတွေသေနတ်နဲ့ပစ်သတ်လို့ မင်္ဂလာကြီးရွာသားနှစ်ဦးနဲ့တရိန်းရွာသားတဦးသေဆုံးသွားခဲ့ပါတယ်။ အဲဒီအပြင် မောင်တောမြို့နယ်၊ပြားသားကျေးရွာသားနှစ်ဦးကိုလည်း ဇူလိုင်လတတိယအပတ်က ရိုဟင်ဂျာအ မည်ခံအကြမ်းဖက်သမားတွေက ဖမ်းဆီးသွားပြီး သေနတ်နဲ့ပစ်သတ်လို့သေဆုံးသွားခဲ့ကြပါတယ်။ နောက်ပြီးမောင်တောမြို့နယ်၊သုံးမိုင် -ကြိမ်ချောင်းလမ်း၊ရွှေတောင်လမ်းဆုံအနီးမှာ ဇူလိုင်လ ၃၁ ရက်၊ဒီနေ့နေ့လည် ၃ နာရီကျော်အချိန်ခန့်က မောင်တောဒေသခံအမျိုးသားလေးဦးနဲ့အမျိုးသမီးတဦးတို့ရိုဟင်ဂျာအမည်ခံအကြမ်းဖက်သမားတွေက သေနတ်နဲ့ပစ်သတ်သွားကြတယ်လို့ မောင်တောမြို့ခံတွေက အတည်ပြုပြောကြပါတယ်။ အဲဒီရိုဟင်ဂျာအမည်ခံမွတ်ဆလင်လက်နက်ကိုင်တွေဟာ အရပ်သားပြည်သူတွေကို လူမျိုးရေးအမုန်းတရားတွေနဲ့သတ်ဖြတ်နေတာဟာ လူမျိုးပေါင်းစုံအတူယှဥ်တွဲနေထိုင်ရေးကိုခက်ခဲလာစေသလို မယုံကြည်မှုတွေနဲ့လူမျိုး ရေးအမုန်းတရားတွေပိုမိုတိုးလာစေတယ်လို့ ဆိုကြပါတယ်။ ''သူတို့(ကုလား)က လမ်းသွားလမ်းလာပြည်သူတွေ၊ငါးရှာဟင်းရှာအရပ်သားတွေကို ပစ်မှတ်ထားသတ် ဖြတ်နေကြတာပါ။ကုလားမဟုတ်တဲ့တခြားလူမျိုးဆိုရင်ဘယ်သူ့ကိုမဆိုသတ်ဖြတ်နေကြတာပါ။ဘူးသီးတောင်မှာလည်း ဟင်းရှာသွားတဲ့ခမီတွေကိုတွေဖမ်းဆီးသတ်ဖြတ်လိုက်ကြပါတယ်။သူတို့ကိုဘယ်လိုယုံကြည်ရမှာလဲ။သူတို့လူမျိုးမဟု တ်တဲ့တခြားလူမျိုးတိုင်းကိုသတ်နေကြတာပါ။''လို့ မောင်တောမြို့ခံတဦးက Border News Agency သို့ ပြောပါတယ်။ အဲဒီအပြင် မောင်တောမြို့ပေါ်မှာပိတ်မိကျန်နေတဲ့ရခိုင်လူမျိုးတွေ၊ဟိန္ဒူလူမျိုးတွေကိုလည်း ရိုဟင်ဂျာအမည်ခံမွတ်ဆလင်လက်နက်ကိုင်တွေက လူမျိုးရေး၊ဘာသာရေးအမုန်းတရားတွေ၊အငြိုးအ တေးတွေနဲ့ဖမ်းဆီးသတ် ဖြတ်တာတွေပြုလုပ်နေကြတယ်လို့ ဆိုကြပါတယ်။ အဲဒီရိုဟင်ဂျာအမည်ခံမွတ်ဆလင်လက်နက်ကိုင်တွေက မောင်တောမြို့ပေါ်မှာပိတ်မိကျန်နေတဲ့ရခိုင်လူမျိုးတွေ၊ဟိန္ဒူလူမျိုးတွေကို ဖမ်းဆီးကြိုးချည်ရိုက်နှက်နှိပ်စက်သတ်ဖြတ်နေတဲ့ရုပ်သံမှတ်တမ်းတွေလည်း လူမှုကွန်ရက်မှာပြန့်နှံ့နေပါတယ်။ အဲဒီလိုပြစ်မှုကျူးလွန်နေကြတာမို့ရိုဟင်ဂျာအမည်ခံမွတ်ဆလင်လက်နက်ကိုင်တွေသာမက မွတ်ဆလင်လူမျိုးအားလုံးကိုပါ မယုံကြည်မှုတွေတိုးလာစေပြီး ငြိမ်းချမ်းစွာအတူယှဥ်တွဲနေထိုင်ဖို့အတွက် အဟန့်အတားတွေဖြစ်နေပြီလို့မောင်တောမြို့နေပြည်သူတွေက ဆိုကြပါတယ်။ ''ကျနော်တို့ဟိန္ဒူတွေကိုလည်း ဖမ်းဆီးသတ်ဖြတ်နေတာတွေ၊အမျိုးသမီးတွေကို မဒိန်းကျင့်တာတွေက မွတ်ဆလင်တွေကို အမုန်းတရားတွေပဲဖြစ်လာစေပါတယ်။ဒီအတိုင်းဆိုရင် ဘယ်မွတ်ဆလင်ကိုမှမယုံရဘူး။စိတ်မချရဘူးဆိုရင် ဘယ်မွတ်ဆလင်ကိုမှဒေ သခံတွေ၊တခြားလူမျိုးတွေလက်ခံကြမှာမဟုတ်ဘူး ။''လို့ မောင်တောမြို့နေဟိန္ဒူလူမျိုးတဦးက Border News Agency သို့ပြောပါတယ်။ အဲဒီမောင်တောမြို့နယ်၊အောင်ဗလကျေးရွာအနီးရှိ ဟိန္ဒူကယ်ဆယ်ရေးကျေးရွာမှဟိန္ဒူလူမျိုးတချို့ကို ရိုဟင်ဂျာအမည်ခံမွတ်ဆလင်လက်နက်ကိုင်တွေကဖမ်းဆီးသတ်ဖြတ်တာတွေပြုလုပ်ခဲ့ကြသလို ဟိန္ဒူအမျိုးသမီးတဦးကိုလည်း အတင်းအဓမ္မပြုကျင့်ပြီး သတ်ဖြတ်သွားခဲ့ကြတယ်လို့ မောင်တောမြို့နေဟိန္ဒူလူမျိုးတွေက ဆိုကြပါတယ်။ အဲဒီအပြင် မောင်တောမြို့ပေါ်မှာ ပိတ်မိကျန်နေကြတဲ့ရခိုင်လူမျိုးတွေကိုလည်းဖမ်းဆီးသတ်ဖြတ်ခဲ့ကြသလို နောက်ထပ်နှစ်ရာနီးပါးထိဖမ်းဆီးနှိပ်စက်နေကြတယ်လို့ မောင်တောမြို့နေပြည်သူတွေနဲ့မိသားစုဝင်တွေက ဆိုကြပါတယ်။ မောင်တောမြို့သိမ်းတိုက်ပွဲမှာ ရိုဟင်ဂျာအမည်ခံမွတ်ဆလင်လက်နက်ကိုင်တွေကဖမ်းဆီးသတ်ဖြတ်လိုက်တဲ့ရခိုင်လူမျိုးအနည်းဆုံးသုံးဆယ်ထိရှိနေပြီးအများစုဟာ သတ်ဖြတ်အလောင်းဖျောက်ခံလိုက်ကြရတာမို့ မိသားစုဝင်တွေဟာ အလောင်းတောင် ပြန်မရကြဘူးလို့ ဆိုကြပါတယ်။ အဲဒီမောင်တောမြို့သိမ်းတိုက်ပွဲမှာ ရိုဟင်ဂျာအမည်ခံမွတ်ဆလင်လက်နက်ကိုင်ငါးထောင်ကျော်ထိ စစ်ကောင်စီဘက်မှဝင်ရောက်တိုက်ခိုက်ပေးနေကြပြီး မောင်တောမြို့ကို ရိုဟင်ဂျာအမည်ခံမွတ်ဆလင်လက်နက်ကိုင်တွေက သိမ်းပိုက်ထားပြီးမို့ ဘင်္ဂလားဒေ့ရှ်နိုင်ငံရှိရိုဟင်ဂျာတွေပြန်လာကြဖို့ ဝါဒဖြန့်ဖိတ်ခေါ် တာတွေပြုလုပ်နေပါတယ်။ အဲဒီအပြင် ရိုဟင်ဂျာအမည်ခံအကြမ်းဖက်သမားတွေဟာ သတင်းတု၊သတင်းမှားတွေကို စစ်ကောင်စီနည်းတူ ဝါ ဒဖြန့်နေကြသလို စစ်ကောင်စီတပ်နဲ့အတူ အကြမ်းဖက်မှုတွေမှာပါဝင်ကျူးလွန်နေကြပြီး မောင်တောမြို့သိမ်း တိုက်ပွဲအချိန်ကြာနှောက်နှေးအောင် ဝင်ရောက်ဖျက်ဆီးနှောက်ယှက်နေကြတယ်လို့ အာရက္ခပြည်သူတွေက ဆိုကြပါတယ်။ (ဓာတ်ပုံ-မောင်တောမြို့မှစစ်ကောင်စီတပ်ဖက်မှဝင်ရောက်တိုက်ခိုက်ပေးနေကြတဲ့ရိုဟင်ဂျာအမည်ခံမွတ်ဆလင်လက်နက်ကိုင်တွေ/ လူမှုကွန်ရက်)

Border News Agency

BNA

လူမျိုးရေး၊ ဘာသာရေးပဋိပက္ခနွံထဲသို့ ထပ်ဝင်ကြမည်လား

မောင်တောမှာ မြေမြုပ်မိုင်းနင်းမိလို့ အမျိုးသားတဦးဒဏ်ရာရ

မောင်တောခရိုင်မှာ အစာအာဟာရပြတ်လပ်မှု မြင့်တက်လာနိုင်

မောင်တောမှာ မြေမြုပ်မိုင်းနင်းမိလို့ အမျိုးသားတဦးသေဆုံး

မောင်တောခရိုင်

စစ်တွေခရိုင်

မြောက်ဦးခရိုင်

မောင်တောခရိုင်

သံတွဲခရိုင်

ကျောက်ဖြူခရိုင်

တောင်ကုတ်ခရိုင်

အမ်းခရိုင်

Add New Playlist

All Categories

Add Your Heading Text Here

Add Your Heading Text Here

Add Your Heading Text Here

English Page