Border News Agency
မန္တလေး၊ ဧပြီ ၁၈။
နောင်လာမယ့်စစ်ရေးလှုပ်ရှားမှုတွေအတွက် ဗဟိုကွပ်ကဲမှုစနစ်ကို အခြေခံပြီး တနိုင်ငံလုံးလွှမ်းခြုံနိုင်မယ့် စစ်မဟာဗျူဟာတရပ်ကို ရေးဆွဲအကောင်အထည်ဖော်သွားမယ်လို့ NUG ကာကွယ်ရေးဝန်ကြီး ဦးရည်မွန်က ပြောကြားလိုက်ပါတယ်။
အသစ်ဖွဲ့စည်းလိုက်တဲ့ ဦးဆောင်ကောင်စီ(SCEF)မှာ နိုင်ငံရေးနဲ့ စစ်ရေးစုဖွဲ့မှုတွေ ပါဝင်မှာဖြစ်ပြီး မူဝါဒတခု၊မဟာဗျူဟာတခုအောက်မှာ စနစ်တကျ လုပ်ဆောင်သွားမှာဖြစ်တယ်လို့ ဆိုပါတယ်။
ဒါဟာ တော်လှန်ရေးအင်အားစုတွေကြား စုစည်းညီညွတ်မှုကို ပိုကောင်းလာစေတဲ့ အမှတ်လက္ခဏာဖြစ်ပြီး ခိုင်မာတဲ့ ဦးဆောင်မှုနဲ့အတူ ပန်းတိုင်အရောက် ချီတက်သွားမယ်လို့ ဝန်ကြီးက အသိပေးထားပါတယ်။
တော်လှန်ရေး ၅ နှစ်တာအတွင်း PDF တပ်မတော်ဟာ ရင့်ကျက်တည်ငြိမ်တဲ့အဆင့်ကို ရောက်လာတာကြောင့် စစ်ရုံးချုပ်၊ တိုင်းနဲ့ ခရိုင်စစ်ဌာနအဆင့်ဆင့်နဲ့ တခုတည်းသော ကွပ်ကဲမှုစနစ်ကို တည်ဆောက်နိုင်ခဲ့ပြီလို့ ဆိုပါတယ်။
အဲဒါကြောင့်PDF နဲ့ ပကဖ ပူးပေါင်းတိုက်ခိုက်ရေးအင်အားကို ပိုမာအောင် ပြင်ဆင်နေပြီး ရန်သူ့အားနည်းချက်ကို အခွင့်အရေးယူကာ တော်လှန်ရေးအောင်ပွဲကို ဖော်ဆောင်သွားမယ်လို့လည်းဆိုပါတယ်။
