Border News Agency
ထိုင်း၊ ဧပြီ ၂၀။
ထိုင်းနိုင်ငံ၊ ချွမ်ဖွန်ပြည်နယ်မှာ ပြုလုပ်တဲ့ သင်္ကြန်ပွဲတော်အတွင်း ကျည်အသင့်ထည့်ထားတဲ့ လက်လုပ်သေနတ်နဲ့အတူ မြန်မာအမျိုးသားတဦးကို ထိုင်းရဲတပ်ဖွဲ့က ဖမ်းဆီးလိုက်ပါတယ်။
အဲဒီပွဲဟာ ထိုင်းဒုတိယဝန်ကြီးချုပ် အနုတင်ကိုယ်တိုင်တက်ရောက်မှာဖြစ်လို့ လုံခြုံရေးတင်းကျပ်ထားစဉ်မှာ အသက် ၃၀ ဝန်းကျင်ရှိတဲ့မြန်မာအမျိုးသားကို စစ်ဆေးရေးဂိတ်မှာ စတင်တွေ့ရှိခဲ့တာပါ။
အဲဒီအမျိုးသားဟာ စစ်ဆေးမှုကို ငြင်းဆန်ပြီး ထွက်ပြေးဖို့ ကြိုးစားခဲ့ပေမယ့် တာဝန်ရှိသူတွေက လိုက်လံဖမ်းဆီးနိုင်ခဲ့ပါတယ်။
သူ့ရဲ့ကျောပိုးအိတ်ထဲမှာတော့ ပစ်ခတ်ဖို့ အသင့်ပြင်ထားတဲ့ ကျည်ဆန်ပါ လက်လုပ်သေနတ်တလက်နဲ့ အပိုကျည် ၅ တောင့်ကို ရှာဖွေတွေ့ရှိခဲ့ပါတယ်။
အဲဒီဖမ်းဆီးခံရသူဟာ ဘာအထောက်အထားစာရွက်စာတမ်းမှ မရှိသလို ရဲတပ်ဖွဲ့ကတော့ လက်နက်ယူဆောင်လာရတဲ့ ရည်ရွယ်ချက်ကို အသေးစိတ် စုံစမ်းစစ်ဆေးနေပါတယ်။
