Border News Agency
တက္ကနာဖ်၊ မေ ၄။
ဘင်္ဂလားဒေ့ရှ်နိုင်ငံ၊ တက္ကနပ်မြို့နယ်မှာ မေလ ၄ ရက်၊ ဒီနေ့မနက်က ဘင်္ဂလားဒေ့ရှ်ရေတပ်ဟာ အထူးစစ်ဆင်ရေးလုပ်ပြီး တာကာသန်းသုံးရာခန့်ရှိမူးယစ်ဆေးဝါးတွေနဲ့ နိုင်ငံခြားဖြစ်လက်နက်တွေကို ဖမ်းဆီးရမိခဲ့တယ်လို့ထုတ်ပြန်ပါတယ်။
အဲဒီတက္ကနပ်မြို့နယ်၊ ညလားကျေးရွာအုပ်စု၊ အလယ်ခတောင်က အုတ်ဖုတ်ဖိုကို ရေတပ်ဝင်ရောက်ရှာဖွေခဲ့တာပါ။
အဲဒီလိုအုတ်ဖိုမြေအောက်မှာဝှက်ထားတဲ့ အိုက်စ်ငါးကီလိုဂရမ်နဲ့စိတ်ကြွဆေးပြား(ယာဘ)အလုံးရေတသိန်းကို ရှာတွေ့ရှိခဲ့ပါတယ်။
အဲဒီအပြင် နိုင်ငံခြားဖြစ် ပစ္စတိုနှစ်လက်၊ ကျည်အိမ်နှစ်ခုနဲ့ကျည်ဆန်လေးတောင့်လည်း သိမ်းဆည်းရမိခဲ့သလို လက်နက်၊ မူးယစ်ဆေးမှုတွေနဲ့အတူနူရူလ်ကာဘီရ်ကိုပါ ဖမ်းဆီးနိုင်ခဲ့တယ်လို့ဆိုပါတယ်။
အဲဒီပစ္စည်းတွေနဲ့တရားခံကို တက္ကနဖ်ရဲစခန်းကိုလွှဲပေးလိုက်ပြီး ဘင်္ဂလားဒေ့ရှ်ရေတပ်ဟာ ကမ်းရိုးတန်းမှာ မူးယစ်ဆေးဝါးနှိမ်နင်းရေးကို ဆက်လုပ်သွားမယ်လို့ ဆိုပါတယ်။
