Border News Agency
ပုဏ္ဏားကျွန်း၊ဇူလိုင် ၆။
အာရက္ခတပ်တော်(AA)ထိန်းချုပ်ထားတဲ့ပုဏ္ဏားကျွန်းမြို့နယ်မှာငွေလွှဲထုတ်ခတွေစျေးပြန်တက်နေပြီး ငွေသားကျပ်တသိန်းထုတ်ခလေးထောင်ငါးရာကျပ်ပေးရတယ်လို့ ဒေသခံတွေက ဆိုကြပါတယ်။
အဲဒီလိုငွေသားထုတ်ခတွေစျေးပြန်တ က်လာတာမို့ပြည်ပလုပ်သားပို့ငွေတွေကို အားကိုးနေရသူတွေ၊အောက်ခြေလူတန်းစားတွေအတွက် အခက်အခဲတွေဖြစ်စေတယ်လို့ ဒေသခံတွေက ဆိုကြပါတယ်။
”ပုဏ္ဏားကျွန်းမှာငွေထုတ်ခတသိန်းကို လေးထောင်ငါးရာကျပ်ဖြတ်ပါတယ်။ကျွန်မဆယ်သိန်းသွားထုတ်တာကိုးသိ န်းငါးသောင်းခွဲပဲရခဲ့ပါတယ်။”လို့ ပု ဏ္ဏားကျွန်းမြို့နယ်မှငွေထုတ်ခဲ့သူအ မျိုးသမီးတဦးက Border News Agency ကို ပြောပါတယ်။
အဲဒီငွေလွှဲထုတ်ခတွေအနည်းအများမတူပေမယ့် အများစုကတော့ စျေးပြန်တက်နေကြပြီး အင်တာနက်အခက်အခဲဝန်ဆောင်မှုတွေကြောင့်စျေးပြန်တက်တာလို့ ငွေလွှဲလုပ်ကိုင်သူတွေက ဆိုကြပါတယ်။
”ငွေထုတ်ခဈေးတက်တာကိုအပြစ် ပြောလို့မရပါဘူး။တလတလ စတားလင့်ခဘေလ်ဖြည့်ဖို့တင်မလွယ်ပါ။အင်တာနက်ဘေလ်ကတမျိုး၊အစိုးရကို ပေးရတဲ့အခွန်ကတမျိုးနဲ့ အမျိုးမျိုး ပေးနေရလို့ပါ။”လို့ ပုဏ္ဏားကျွန်းမြို့နယ်မှငွေလွှဲလုပ်ကိုင်သူတဦးက Border News Agency ကို ပြောပါတယ်။
အာရက္ခအဆုံးအဖြတ်စစ်ပွဲစတင်ပြီးနောက် အာဏာသိမ်းစစ်တပ်ဟာ ကုန်းလမ်း၊ရေလမ်းအားလုံးကို ပိတ်ဆို့တားမြစ်ထားသလို ဖုန်းလိုင်း၊အင်တာနက်ဆက်သွယ်ရေးလိုင်းတွေဖြတ်တောက်ထားပြီးဘဏ်လုပ်ငန်းအားလုံးရပ်တန့်သွားပါတယ်။
အဲဒါကြောင့် ငွေသားရှားပါမှုတွေအပါအဝင် အင်တာနက်အသုံးပြုငွေလွှဲလုပ်ရတာတွေလည်းအခက်အခဲတွေရှိနေကြသလိုငွေသားကို ငွေပေးဝယ်ယူကာအဆင့်ဆင့်သယ်ယူအသုံးပြုနေကြရတယ်လို့ ဆိုကြပါတယ်။
