Border News Agency
ကျောက်တော်၊ နိုဝင်ဘာ ၂။
အာရက္ခတပ်တော်(AA)ထိန်းချုပ်ထားတဲ့ ကျောက်တော်မြို့နယ်၊ကန်စောက်တောင်တန်းကို နိုဝင်ဘာလ ၁ ရက်နေ့ ည ၁၁ နာရီကျော်အချိန်မှ နိုဝင်ဘာလ ၂ ရက်နေ့ ၁ နာရီအချိန်ခန့်ထိ အာဏာသိမ်းစစ်တပ်တိုက်လေယာဥ်အုပ်လိုက်ဟာ အပြင်းအထန်လေကြောင်းတိုက်ခိုက်ခဲ့ပါတယ်။
အဲဒီစစ်တွေ-ရန်ကုန်အဝေးပြေးကားလမ်းမကြီးဘေး၊ကျောက်တော်မြို့နယ်၊ကန်စောက်တောင်ခြေရင်းမှာ တည်ရှိတဲ့ အမှတ် ၅၃၉ ခြေမြန်တပ်ရင်းနဲ့ ကျောက်တော်မြို့နယ်၊ကန်ဇောက်ကျေးရွာအနီးမှာ တည်ရှိတဲ့အမှတ် ၃၇၇ အမြောက် တပ်ရင်းကို အာဏာသိမ်းစစ်တပ်က အပြင်းအထန်လေကြောင်းတိုက်ခိုက်ခဲ့တာလို့ ကျောက်တော်ဒေသခံတွေက ဆိုကြပါတယ်။
“၅၃၉ နဲ့အမြောက်တပ်ကိုလာချနေတာပါ။ကန်ဇောက်တောင်တန်းတခုလုံးမီးလောင်နေပါတယ်။ လေယာဥ်တွေက တော့အုပ်လိုက်ကြီးပါ။ တစီးပြီးတစီးလာချနေတာပါ။”လို့ ကျောက်တော်ဒေသခံတဦးက Border News Agency ကိုပြောပါတယ်။
အဲဒီတပ်ရင်းနှစ်ရင်းကို အာရက္ခတပ်တော်က ပိတ်ဆို့တိုက်ခိုက်ခဲ့တာမို့ ပြီးခဲ့တဲ့၂၀၂၄ ခုနှစ်၊ဇန်နဝါရီလက တပ်ရင်းတခုလုံးအလံဖြူထောင်လက်နက်ချခဲ့ကြတာမို့ အာရက္ခတပ်တော်ထိန်းချုပ်တပ်စွဲထားတာဖြစ်ပါတယ်။
အဲဒီကျောက်တော်မြို့နယ်၊ကန်ဇောက်တောင်တန်းအနီးကို နိုဝင်ဘာလ ၁ ရက်နေ့၊ညနေ ၅ နာရီ ၂၅ မိနစ်အချိန်ခန့်က အာဏာသိမ်းစစ်တပ်လေကြောင်းတို က်ခိုက်ခဲ့လို့ ဝါးတောင်ကျေးရွာနဲ့ပန်းဖဲချောင်းကျေးရွာကို ဆက်သွယ်ထားတဲ့တံတားပေါ်ကျရောက်ပြီး ခုနှစ်ဦးသေဆုံးကာခုနှစ်ဦးဒဏ်ရာရသွားတယ်လို့ အာရက္ခတပ်တော်ထုတ်ပြန်ပါတယ်။
အဲဒီအပြင်တံတားပျက်စီးသွားသလိုတံတားပေါ်သွားလာနေကြတဲ့ ဆိုင်ကယ်၊ဘေးတွဲဆိုင်ကယ်တွေ၊တံတားအနီးမှနေအိမ်တချို့လည်းပျက်စီးသွားပါတယ်။
အဲဒီကျောက်တော်မြို့နယ်အပါအဝင်အာရက္ခတပ်တော်ထိန်းချုပ်နယ်မြေတွေကို အာဏာသိမ်းစစ်တပ်ကလေ ကြောင်းတိုက်ခိုက်တာတွေအပြင်းအ ထန်ပြုလုပ်နေပြီး ပုဏ္ဏားကျွန်းမြို့နယ်ကိုပြန်သိမ်းယူဖို့ ထိုးစစ်ဆင်တိုက်ခိုက်နေပါတယ်။
အဲဒါကြောင့်အာရက္ခတပ်တော်ရဲ့နောက်တပ်အခြေစိုက်တပ်ရင်းတွေ၊အခိုင်အမာနေရာတွေ၊ထောက်ပို့စခန်းလို့ယူဆတဲ့နေရာတွေကို အပြင်းအထန်လေကြောင်းတိုက်ခိုက်နေတာလို့ စစ်ရေးလေ့လာစောင့်ကြည့်နေကြသူတွေက ဆိုကြပါတယ်။
“စစ်တပ်က ကုလားတန်မြစ်ကမ်းတလျှောက်နဲ့စစ်တွေ-ရန်ကုန်ကားလမ်းဘေးကို အဓိကပစ်မှတ်ထားတိုက်ခိုက်နေတာကိုတွေ့ရပါတယ်။ပုဏ္ဏားကျွန်း တိုက်ပွဲအတွက်ကျောက်တော်ဟာအဓိ ကနောက်တန်းခံစစ်ထောက်ပို့နေရာဆိုပြီးစစ်တပ်ကအပြင်းအထန်တိုက်ခိုက်နေတာလို့ယူဆပါတယ်။ ကုလားတန်မြစ်ကြောင်းတလျှောက်ကတပ်ရင်းဟောင်းနေရာအားလုံးကို တိုက်ခိုက်နေတာကို သတိထားမိပါတယ်။”လို့ စစ်ရေးလေ့လာစောင့်ကြည့်နေသူတဦးက Border News Agency ကို ပြောပါတယ်။
အဲဒီကုလားတန်းမြစ်အရှေ့ဖက်ကမ်း၊ ကျောက်တော်မြို့နယ်ရှိအာဏာသိမ်းစစ်တပ်ရဲ့အမှတ် ၉ စစ်ဆင်ရေးကွပ်ကဲမှုဌာနချုပ်ဟောင်းနေရာအပါအဝင် တပ်ရင်းဟောင်းတွေကိုလည်း ပြီးခဲ့တဲ့အောက်တိုဘာလက အာဏာသိမ်းစစ်တပ်အပြင်းအထန်လေကြောင်းတိုက်ခိုက်ခဲ့ပါတယ်။
အဲဒီအပြင် အာရက္ခတပ်တော်ထိန်းချုပ်ထားတဲ့ မြောက်ဦးမြို့ထမ္မရာဇ်ရပ်ကွက်၊ငွေတောင်ပေါက်အနီးရှိယာယီဆေး ကုခန်း၊သားဖွားဆောင်နဲ့အနီးပတ်ဝန်း ကျင်ကိုလည်း နိုဝင်ဘာလ ၁ ရက်နေ့၊ညနေ ၅ နာရီ ၂၇ မိနစ်အချိန်ခန့်က အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီလေကြောင်းတိုက်ခိုက်မှုကြောင့်မွေးကင်းစကလေးငယ်တဦးအပါအဝင်ငါးဦးသေဆုံးပြီးကိုးဦးဒဏ်ရာရသွားသလို ဆေးဝန်ထမ်းတချို့ဒဏ်ရာရကာ ဆေးခန်းအဆောင်တွေ၊လူနေအိမ်တွေ ပျက်စီးသွားတယ်လို့ အာရက္ခတပ်တော်ထုတ်ပြန်ပါတယ်။
အဲဒီလိုအပြင်းအထန်လေကြောင်းတိုက်ခိုက်နေတာဟာ အာရက္ခတပ်တော်ကို အာဏာသိမ်းစစ်တပ်က ဘက်စုံစစ်ပွဲဆင်နွဲ့ပြီး အမြစ်ဖြတ်ဗျူဟာကျင့်သုံးနေတာဖြစ်သလို ဘက်စုံနေရာစုံက
ပိတ်ဆို့ဝိုင်းပတ်ထိုးစစ်ဆင်နေတာမို့တို က်ပွဲတွေပိုမိုပြင်းထန်လာနိုင်တယ်လို့ စစ်ရေး၊နိုင်ငံရေးစောင့်ကြည့်လေ့လာနေကြသူတွေက ဆိုကြပါတယ်။
“တိုင်းရင်းသားလက်နက်ကိုင် တော်တော်များများက သူတတ်နိုင်တာ ဟို limited war လိုဟာမျိုးပဲ တတ်နိုင်တယ်။ ဒါပေမယ့် အခုစစ်တပ်က ရခိုင်ကို ကြာကြာပိတ်နေတဲ့ဟာမျိုးက သူ ဟို ဘယ်လိုပြောမလဲ ဆိုတော့ total war ခေါ်တာပေါ့နော်။ total war လိုဟာမျိုး သူဆင်နွှဲချင်တဲ့ သဘောတရားမျိုးနဲ့ သူထိုးဖောက်လို့တော့မရဘူး။ဒါပေမယ့် ပြန်ခြိမ်းခြောက်တယ်။ ဒါပေမယ့် အဲဒီမှာဘာတွေကြုံရလဲဆိုတော့ နှစ်တွေကြာလာတဲ့အချိန်မှာ ကျွန်တော်သတိထားမိတာကတော့ အဲဒီဟို ဒါစစ်ပွဲတွေရဲ့ ထုံးစံပေါ့။နှစ်တွေကြာသွားပြီဆို လူတွေက human security က အကြီးမားဆုံးပြဿနာဖြစ်တယ်ပေါ့နော်။လူသား လုံခြုံရေးကအကြီးမားဆုံး ပြဿနာဖြစ်တယ်။”လို့ နိုင်ငံရေးလေ့လာစောင့်ကြည့်သူတဦးဖြစ်တဲ့ စိုင်းထွန်းအောင်လွင်က Border News Agency ကို ပြောပါတယ်။
အဲဒီအပြင် အာရက္ခတပ်တော်ထိန်းချုပ်ထားတဲ့ ဝီရဌာနေမြို့ပေါ်နဲ့ရွာချောင်းကြီးကျေးရွာကို နိုဝင်ဘာလ ၂ ရက်နေ့၊ နံနက် ၃ နာရီ ၅၈ မိနစ်အချိန်ခန့်က အာဏာသိမ်းစစ်တပ်လေကြောင်းတိုက်ခိုက်လို့ ငါးဦးဒဏ်ရာရပြီး နေအိမ်တချို့ပျက်စီးသွားတယ်လို့ အာရက္ခတပ်တော်ထုတ်ပြန်ပါတယ်။
နောက်ပြီး အာရက္ခတပ်တော်ထိန်းချုပ်ထားတဲ့ကျောက်ဖြူမြို့နယ်၊စနဲမင်းပြင်ရွာကိုလည်း နိုဝင်ဘာလ ၁ ရက်နေ့၊ည နေ ၅ နာရီအချိန်ခန့်က အာဏာသိမ်းစစ်တပ်လေကြောင်းတိုက်ခိုက် လို့ဆယ့်တဦးဒဏ်ရာရသွားသလို နေအိမ်တချို့ပျက်စီးသွားတယ်လို့ အာရက္ခတပ်တော်ထုတ်ပြန်ပါတယ်။
အဲဒီကျောက်တော်မြို့နယ်အပါအဝင် အာရက္ခတပ်တော်ထိန်းချုပ်နယ်မြေတွေကို အာဏာသိမ်းစစ်တပ်က လေကြောင်းတိုက်ခိုက်တာတွေနေ့စဥ်ပြုလုပ်နေတာမို့ အရပ်သားပြည်သူတွေသေဆုံးဒဏ်ရာရနေကြပါတယ်။
