Border News Agency
စစ်ကိုင်း၊နိုဝင်ဘာ ၂။
စစ်ကိုင်းတိုင်း၊ဆားလင်းကြီးနဲ့ ဟုမ္မလင်းမြို့နယ်ရှိ ကျေးရွာတွေကို အာဏာသိမ်းစစ်တပ်လေကြောင်းတိုက်ခိုက်ခဲ့တာကြောင့် အရပ်သားတဦးသေဆုံးပြီး ခြောက်ဦးဒဏ်ရာရသွားခဲ့ပါတယ်။
အဲဒီဆားလင်းကြီးမြို့နယ်၊ ဒူးထောက်ကျေးရွာကို အောက်တိုဘာလ ၃၁ ရက်နေ့မှာ အာဏာသိမ်းစစ်တပ်လေကြောင်းတိုက်ခိုက်လို့ အသက်ခြောက်ဆယ်အရွယ်အမျိုးသမီးတဦးသေဆုံးခဲ့ပြီး သုံးဦးဒဏ်ရာရသွားခဲ့တာပါ။
အဲဒီအပြင် ဟုမ္မလင်းမြို့နယ်ရှိ အောင်ချမ်းသာ၊ နတ်ရေကန်နဲ့ သဲဇလောက်ကျေးရွာတွေကိုလည်းအောက်တိုဘာလ ၃၁ ရက်နေ့နဲ့ နိုဝင်ဘာလ ၁ ရက်နေ့မှာ အာဏာသိမ်းစစ်တပ်က နှစ်ရက်ဆက်တိုက်လေကြောင်းတိုက်ခိုက်လို့ သုံးဦးဒဏ်ရာရသွားခဲ့ပါတယ်။
နောက်ပြီးနေအိမ်ငါးလုံးနဲ့ ဘုန်းတော်ကြီးကျောင်းဆောင်လည်းပျက်စီးခဲ့ပါတယ်။
အရပ်သားပြည်သူတွေနေထိုင်ရာ ကျေးရွာတွေနဲ့ ဘုန်းတော်ကြီးကျောင်းတွေကို အာဏာသိမ်းစစ်တပ်ကရည်ရွယ်ချက်ရှိရှိပစ်မှတ်ထား လေကြောင်းတိုက်ခိုက်တာတွေ ဆက်လုပ်နေပါတယ်။
