Border News Agency
ငပလီ၊ နိုဝင်ဘာ ၁၉။
အာရက္ခတပ်တော်(AA)ထိန်းချုပ်ထားတဲ့ ငပလီမြို့၊ လင်းသာရပ်ကွက်ကို နိုဝင်ဘာလ ၁၈ ရက်၊ ညနေပိုင်းမှာ အာဏာသိမ်းစစ်တပ်လေကြောင်းတိုက်ခိုက်ခဲ့တာကြောင့် ညီအစ်မနှစ်ဦးသေဆုံးခဲ့ပါတယ်။
အဲဒီလင်းသာရပ်ကွက် ၁ ကို ညနေ ၅ နာရီခွဲအချိန်က အာဏာသိမ်းစစ်တပ် ရွယ်ရည်ချက်ရှိရှိလေကြောင်းတိုက်ခိုက်ခဲ့တာဖြစ်ပါတယ်။
အဲဒီလိုတိုက်ခိုက်ခဲ့တာကြောင့် အသက်နှစ်ဆယ့်ငါး နှစ်အရွယ် မအေးအေးစိုးနဲ့ ညီမဖြစ်သူ အသက်ဆယ့်လေးနှစ်အရွယ် မအေးအေးသန်းတို့ သေဆုံးခဲ့ကြရပါတယ်။
အဲဒီအပြင် နောက်ထပ်ကလေးငယ်တဦးလည်း ဒဏ်ရာရရှိခဲ့သလို ဘုန်းကြီးကျောင်းဆောင်နဲ့ လူနေအိမ်တချို့လည်း ထိခိုက်ပျက်စီးခဲ့ရပါတယ်။
အဲဒီသံတွဲမြို့နယ်၊ အမှတ် ၁ ရပ်ကွက်ရှိ GTI ကျောင်းအနီးဝန်းကျင်ကို နိုဝင်ဘာလ ၁၇ ရက်နေ့ကလည်း အာဏာသိမ်းစစ်တပ်လေကြောင်းတိုက်ခိုက်လို့ အရပ်သားနှစ်ဦးသေဆုံးပြီး လေးဦးဒဏ်ရာရရှိခဲ့ပါသေးတယ်။







