Border News Agency
မြင်းခြံ၊ ဇန်နဝါရီ ၁။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီဌာန၊ အမှတ် ၁ စစ်ဒေသ၊ မြင်းခြံခရိုင်အမှတ် ၄ ၊ ၁၀ တပ်ရင်းမှာ အပတ်စဉ် ၆ အခြေခံ စစ်ပညာသင်တန်းဆင်းပွဲနဲ့ မွမ်းမံသင်တန်းဆင်းပွဲ ပြုလုပ်ခဲ့ပါတယ်။
အဲဒီအခြေခံစစ်ပညာသင်တန်းနဲ့ မွမ်းမံသင်တန်းဆင်းပွဲကို ဒီဇင်ဘာလ ၃၁ ရက်နေ့က ပြုလုပ်ခဲ့တယ်လို့ မြင်းခြံခရိုင်အမှတ် ၄ ၊ ၁၀ တပ်ရင်းမှ ဇန်နဝါရီလ ၁ ရက်၊ ဒီနေ့ထုတ်ပြန်ပါတယ်။
အဲဒီရဲဘော်သစ်တွေကို သင်တန်းကာလသုံးလခန့်မှာ အခြေခံစစ်ပညာရပ်တွေနဲ့ တိုက်ခိုက်ရေးပညာရပ်တွေကို လေ့ကျင့်သင်ကြားပေးနိုင်ခဲ့တယ်လို့ ဆိုပါတယ်။
အဲဒီမွမ်းမံသင်တန်းဆင်း ရဲဘော်တွေကို တလခန့် အဆင့်ဆင့်ကွပ်ကဲအုပ်ချုပ်မှုနဲ့ တိုက်ခိုက်ရေးစစ်ပညာရပ်တွေကို ပြန်လည်မွမ်းမံသင်ကြားပေးခဲ့ပြီး လက်နက်၊ ကျည်ကာအင်္ကျီနဲ့ ကျည်ကာဦးထုပ်တွေကို တပ်ဆင်ပေးနိုင်ခဲ့တယ်လို့ ဆိုပါတယ်။
အဲဒီရဲဘော်တွေဟာ မြင်းခြံခရိုင်အမှတ် ၄ တပ်ရင်း၊ မြင်းခြံခရိုင် အမှတ် ၁၀ တပ်ရင်းမှ ရဲဘော်တွေဖြစ်ပြီး တပ်ရင်းမှာဆက်လက်တာဝန်ထမ်းဆောင်နေကြတယ်လို့ ဆိုပါတယ်။
တော်လှန်ရေးကိုရှေးရှုတဲ့ စိတ်ဓာတ်နဲ့ ပြည်သူလူထုနဲ့အတူရပ်တည်ပြီး ပြည်သူကိုမျက်နှာမူတဲ့ တပ်ရင်းတပ်ဖွဲ့အနေနဲ့ စစ်အာဏာရှင်စနစ်အပြီးတိုင်ချုပ်ငြိမ်းတဲ့အထိ ဆက်လက်တွန်းလှန်တိုက်ပွဲဝင်သွားမယ်လို့လည်းဆိုပါတယ်။
