Border News Agency
စစ်ကိုင်း၊ ဇန်နဝါရီ ၆ ။
စစ်ကိုင်းတိုင်း၊ ဝက်လက်မြို့နယ်၊ ပေါက်ကန်ဘူတာရွာကို စစ်ကော်မရှင်တပ်လေကြောင်းတိုက်ခိုက်လို့ အသက်နှစ်လအရွယ်ကလေးတဦးအပါအဝင် အရပ်သားလေးဦးသေဆုံးသွားတယ်လို့ ဝက်လက်သတင်းကွန်ရက်မှ ဇန်နဝါရီလ ၆ ရက်၊ဒီနေ့ထုတ်ပြန်ပါတယ်။
အဲဒီ တောင်ခြမ်းပေါက်ကန်ဘူတာရွာကို ဇန်နဝါရီလ ၆ ရက်၊မနက် ၉ နာရီ ၄၇ မိနစ်အချိန်က စစ်ကော်မရှင်တပ်ပေါင် ၃၀၀ ဗုံးသုံးလုံးနဲ့တိုက်ခိုက်ခဲ့တယ်လို့ဆိုပါတယ်။
အဲဒီလို လေကြောင်းတိုက်ခိုက်ခဲ့တာကြောင့် ပေါက်ကန်ဘူတာရွာမှ အသက်နှစ်လအရွယ်ကလေးငယ်တဦး၊အသက်ခုနှစ်ဆယ်အရွယ်ဒေါ်မြ၊အသက်ခြောက်ဆယ်အရွယ်ဒေါ်တင်တင်ဌေးတို့သေဆုံးခဲ့တယ်လို့ဆိုပါတယ်။
အဲဒီအပြင် အသက်လေးဆယ်အရွယ် အမျိုးသမီးတဦးဒဏ်ရာရသွားပြီး နေအိမ် နဲ့ကားတချို့လည်း မီးလောင်ပျက်စီးခဲ့တယ်လို့ဆိုပါတယ်။
အဲဒီဝက်လက်မြို့နယ်မှာ ဒီဇင်ဘာလအတွင်း စစ်ကော်မရှင်လေကြောင်းတိုက်ခိုက်လို့ သံဃာတော်နှစ်ပါးအပါအဝင် အရပ်သားနှစ်ဆယ့်ရှစ်ဦးသေဆုံးခဲ့ပြီး လေးဆယ်ကျော်ဒဏ်ရာရသွားခဲ့တာ်လို့ဆိုပါတယ်။
