Border News Agency
ဘင်္ဂလားဒေ့ရှ်၊ ဖေဖော်ဝါရီ ၁၈။
ဘင်္ဂလားဒေ့ရှ်ဝန်ကြီးချုပ်သစ် မစ္စတာတာရက်ခ်ရာမန်နဲ့ အစိုးရအဖွဲ့ဝင်ဝန်ကြီးတွေဟာ ဖေဖော်ဝါရီလ ၁၈ ရက်၊ ဒီနေ့မှာ အမျိုးသားအာဇာနည်ဗိမာန်ကို သွားရောက်ခဲ့ပါတယ်။
ဒါကာမြို့၊ ဆာဗာရှိ အာဇာနည်ဗိမာန်မှာ တိုင်းပြည်အတွက်အသက်ပေးခဲ့ကြတဲ့ သူရဲကောင်းတွေကို ပန်းခွေချပြီး အလေးအမြတ်ပြု ဂါရဝပြုခဲ့ကြတာပါ။
နိုင်ငံ့တာဝန်တွေကို စတင်ထမ်းဆောင်ချိန်မှာ အာဇာနည်သူရဲကောင်းတွေကို ဂုဏ်ပြုတဲ့အနေနဲ့ အခုလိုပထမဆုံးလာရောက်ခဲ့တာ ဖြစ်ပါတယ်။
ဒီအခမ်းအနားကို ဝန်ကြီးချုပ်သစ်နဲ့အတူ ဝန်ကြီးအဖွဲ့ဝင်တွေ၊ ပါတီတာဝန်ရှိသူတွေ တက်ရောက်ခဲ့ကြပြီး တိုင်းပြည် ပြန်လည်တည်ဆောက်ရေးအတွက် သန္နိဋ္ဌာန်ပြုခဲ့ကြတယ်လို့သိရပါတယ်။
