Border News Agency
တယ်အဗစ်၊ မတ် ၁၈ ။
အီရန်နိုင်ငံကပစ်ခတ်လိုက်တဲ့ ဒုံးကျည်တွေဟာ အစ္စရေးနိုင်ငံ တယ်အဗစ်မြို့တောင်ဘက်ရှိ ရာမတ်ဂန်းမြို့ကို ထိမှန်ခဲ့တာကြောင့် အနည်းဆုံး လူနှစ်ဦး သေဆုံးသွားတယ်လို့ အစ္စရေးသတင်းဌာန Channel 14 က အတည်ပြုလိုက်ပါတယ်။
အီရန်ဟာ မတ်လ ၁၇ ရက်၊ ညနေအချိန်ကအစ္စရေးနိုင်ငံ၊တယ်အဗစ်မြို့ကို ဒုံးတွေအများအပြားနဲ့ပစ်ခတ်ခဲ့တယ်လို့ဆိုပါတယ်။
အဲဒီတိုက်ခိုက်မှုကြောင့် ရာမတ်ဂန်းမြို့လယ်ရှိ အဆောက်အအုံတွေနဲ့ မော်တော်ယာဉ်တွေ အပြင်းအထန် ပျက်စီးဆုံးရှုံးခဲ့ရတယ်လို့ဆိုပါတယ်။
အဲဒီအပြင် တယ်အဗစ်မြို့လယ်က မီးရထားဘူတာရုံနဲ့ တိုက်ခန်းအဆောက်အအုံတွေမှာလည်းဒုံးကျည်ထိမှန်မှုကြောင့် ကြီးမားတဲ့ ပျက်စီးမှုတွေဖြစ်ပွားခဲ့တယ်လို့ဆိုပါတယ်။
အခင်းဖြစ်ပွားရာနေရာက ထွက်ပေါ်လာတဲ့ ဗီဒီယိုမှတ်တမ်းတွေအရ ဒုံးကျည်ကျရောက်ရာမှာ မီးလောင်ကျွမ်းမှုတွေနဲ့အတူ အပျက်အစီးတွေ ပြန့်ကျဲနေတာကို တွေ့ရပါတယ်။
အစ္စရေးအာဏာပိုင်တွေကတော့ မနေ့ညနေကတည်းက ကယ်ဆယ်ရေးလုပ်ငန်းတွေကို အမြန်ဆုံး လုပ်ဆောင်နေတယ်လို့ဆိုပါတယ်။
