Border News Agency
ကျောက်ဖြူ၊ဇွန် ၁၆။
ကျောက်ဖြူမြို့နယ်၊အောင်သပြေရွာကို ဇွန် ၁၅ ရက်နေ့က အာဏာသိမ်းစစ်တပ် လေကြောင်း၊လက်နက်ကြီးတွေနဲ့ပစ်ခတ်တိုက်ခိုက်ခဲ့တယ်လို့ ဒေသခံတွေဆီကသိရပါတယ်။
အဲဒီ အောင်သပြေရွာကို ဇွန်လ ၁၅ ရက်၊ မနက်ပိုင်းမှာ အာဏာသိမ်းစစ်တပ် လေကြောင်းမှဗုံး ၂လုံးနဲ့တိုက်ခိုက်ခဲ့တယ်လို့ ဆိုပါတယ်။
အဲဒီလိုတိုက်ခိုက်ခဲ့ကြောင့် ရွာရှိ ဘုန်းကြီးကျောင်း ၁ ကျောင်းနဲ့ အရပ်သားနေအိမ် ၄ လုံးထိခိုက်ပျက်စီးခဲ့တယ်လို့ဆိုပါတယ်။
အဲဒီအပြင် အောင်သပြေရွာကို အာဏာသိမ်းစစ်တပ်ရဲ့ တောင်မော်ဦးရီတပ်စခန်းမှလက်နက်ကြီးကျည် ၄ လုံးနဲ့ပစ်ခတ်ခဲ့တယ်လို့လည်းဆိုပါတယ်။
အဲဒီ လက်နက်ကြီးကျည်တွေဟာ ရွာထဲနဲ့ ရွာအနီးမှာ ကျရောက်ပေါက်ကွဲခဲ့တာကြောင့် ဒေသခံနေအိမ် ၂ လုံးပျက်စီးခဲ့ရသလို နွား ၈ကောင်လည်းသေဆုံးခဲ့တယ်လို့ ဆိုပါတယ်။
အဲဒီ ကျောက်ဖြူမြို့နယ်အတွင်းရှိ ဘယာ၊ ကုလားတွင်းနဲ့ သစ်ကတိုးရွာတွေကို ဇွန်လ ၆ ရက်နေ့ကလည်း အာဏာသိမ်းစစ်တပ်လေကြောင်းမှ ဗုံး၈ လုံးနဲ့တိုက်ခိုက်ခဲ့လို့ အရပ်သား ၃ ဦး ဒဏ်ရာရရှိခဲ့ပါသေးတယ်။
ကျောက်ဖြူမြို့နယ်ထဲမှာ အာရက္ခတပ်တော် (AA) နဲ့ အာဏာသိမ်းစစ်တပ်တို့အကြား တိုက်ပွဲတွေဖြစ်ပွားနေတာကြောင့် စစ်တပ်က မြို့နဲ့အနီးနားက ကျေးရွာတွေကို လက်နက်ကြီးတွေ၊ တိုက်လေယာဉ်တွေ၊ ဒရုန်းတွေနဲ့ နေ့တိုင်းလိုလို ပစ်ခတ်တိုက်ခိုက်နေတယ်လို့ ဒေသခံတွေက ဆိုကြပါတယ်။
အဲဒါကြောင့်ပြည်သူတွေအနေနဲ့ လေကြောင်း၊လက်နက်ကြီး အန္တရာယ်ကို အထူးသတိထားကြဖို့လည်း အာရက္ခတပ်တော်က တိုက်တွန်းထားပါတယ်။
