Border News Agency
မြောက်ဦး၊ ဩဂုတ် ၂၁။
အာရက္ခပြည်သူ့တော်လှန်ရေးအစိုးရဆီ စစ်မှုထမ်းဖို့ရောက်လာတဲ့ အသက်မပြည့်သေးသူလူငယ်တဦးကို ဩဂုတ်လ ၁၉ ရက်နေ့က မိသားစုတွေကို ပြန်လည်လွှဲပြောင်းပေးခဲ့ပါတယ်။
အဲဒီလူငယ်ဟာ မြောက်ဦးမြို့၊ပြင်ဈေးရပ်ကွက်က အသက်ဆယ့်ခြောက်နှစ်အရွယ် မောင်နေအောင်လင်း ဖြစ်ပြီး ဩဂုတ်လ ၁၄ ရက်နေ့က စစ်မှုထမ်းဖို့ရောက်လာခဲ့တာပါ။
တာဝန်ရှိသူတွေကစစ်ဆေးကြည့်တဲ့အခါ စစ်မှုထမ်းဖို့အသက်ဆယ့်ရှစ်နှစ်မပြည့်သေးတာကို တွေ့ရတာကြောင့် မိသားစုဆီပြန်လည်အပ်နှံခဲ့တာဖြစ်ပါတယ်။
အာရက္ခအစိုးရအနေနဲ့ အသက်မပြည့်သေးတဲ့ ကလေးသူငယ်တွေ၊ကျန်းမာရေးမကောင်းသူတွေနဲ့ ကျောင်းသားတွေကို စစ်မှုထမ်းဖို့ လုံးဝလက်မခံဘူးလို့ မြောက်ဦးမြို့နယ်ပါတီမှူးကပြောပါတယ်။
အဲဒီအပြင် ဩဂုတ်လ ၁၈ ရက်နေ့ကလည်း ပုဏ္ဏားကျွန်းမြို့နယ်၊ကြံခင်းရွာကရောက်လာတဲ့ အသက်မပြည့်သေးသူ လူငယ်သုံးဦးကို မိသားစုတွေဆီပြန်လည်လွှဲပြောင်းပေးခဲ့ပါတယ်။
