Border News Agency
နီပေါ၊ စက်တင်ဘာ ၁။
နီပေါနိုင်ငံ၊ဘိုတေခိုရှီမြစ်ရေကြီးရေလျှံမှုကြောင့် ထိခိုက်ခံစားခဲ့ရတဲ့ ရေဘေးသင့်ပြည်သူတွေဆီ ကူညီကယ်ဆယ်ရေး ပစ္စည်းတွေသယ်ဆောင်လာတဲ့ မော်တော်ယာဉ်တွေဟာ လမ်းကြောင်းဆိုးရွားမှုကြောင့် လမ်းခုလတ်မှာပိတ်မိနေပါတယ်။
အဲဒီနီပေါမှာ ပြီးခဲ့တဲ့သြဂုတ်လ ၂၆ ရက်နေ့က ဘိုတေခိုရှီမြစ်ရေကြီးရေလျှံမှုကြောင့် ရာဆူဝါ၊ နူဝါကုတ်၊ ဒါးဒင်းနဲ့ ချစ်တဝမ်ဒေသတွေမှာ ပြည်သူ့ပိုင်ပစ္စည်းအများအပြားပျက်စီးဆုံးရှုံးခဲ့ရတာ ဖြစ်ပါတယ်။
မိုးဆက်တိုက်ရွာသွန်းနေတာကြောင့် လမ်းတွေချောပြီး မြေပြိုမှုတွေဖြစ်ကာ အဓိကလမ်းကွန်ရက်တွေ လုံးဝပျက်စီးသွားခဲ့ပြီး အစားထိုးလမ်းကြောင်းတွေကနေ သွားလာနေရတာကြောင့် သွားရေးလာရေးခက်ခဲနေတာပါ။
အဲဒါကြောင့် ခုလက်ရှိရာဆူဝါခရိုင်၊နောင်းကွန်ဒါ ကျေးရွာကောင်စီ၊အမှတ် ၃ ရပ်ကွက် ဂီချက် ဧရိယာမှာ ကယ်ဆယ်ရေးပစ္စည်းတွေ တင်ဆောင်လာတဲ့ယာဉ်တန်းတွေ တန်းစီပိတ်မိနေပါတယ်။
အခုလိုလမ်းပန်းဆက်သွယ်ရေးပြတ်တောက်နေတာနဲ့ ရာသီဥတုဆိုးရွားနေတာတွေကြောင့် ကူညီကယ်ဆယ်ရေး လုပ်ငန်းတွေနဲ့ ရေဘေးသင့်ပြည်သူတွေဆီ အချိန်မီအကူအညီပေးအပ်နိုင်ဖို့အတွက် ကြီးမားတဲ့ စိန်ခေါ်မှုတွေနဲ့ ရင်ဆိုင်နေရပါတယ်။
