အင်တာဗျူး
Border News Agency
မြောက်ဦး၊ မေ ၁၀။

အာရက္ခတပ်တော်ထိန်းချုပ်နယ်မြေတွေမှာ သက်ငယ်မုဒိန်းမှုတွေအပါအဝင် အတင်းအဓမ္မပြုကျင့်သတ်ဖြတ်မှုတချို့ဖြစ်ပွားခဲ့ပါတယ်။

အဲဒီအထဲမှာ အာရက္ခတပ်တော်တပ်ဖွဲ့ဝင်တချို့လည်းပါဝင်ခဲ့သလို့ အရပ်သားတွေ ကျူးလွန်တာတွေရှိနေပါတယ်။

အာရက္ခတပ်တော်ထိန်းချုပ်နယ်မြေတွေမှာ အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေး၊တရားစီရင်ရေးတွေဖော်ဆောင်နေပါတယ်။

အဲဒါကြောင့် အာရက္ခပြည်သူတွေ ဘေးကင်းလုံခြုံမှုတွေ၊ တရားဥပဒေစိုးမိုးမှုတွေရှိအောင် ဖော်ဆောင်ဖို့ လိုအပ်တယ်လို့ အာရက္ခပြည်သူတွေက ဆိုကြပါတယ်။

အာရက္ခတပ်တော်ထိန်းချုပ်နယ်မြေတွေက သက်ငယ်မုဒိန်းမှု၊ အဓမ္မပြုကျင့်လူသတ်မှုတွေအကြောင်းကို ကျောင်းသူအမျိုးသမီးတဦးက ခုလိုပြောပြထားပါတယ်။

“ဒီလိုမုဒိမ်းမှု မှုခင်းကိစ္စတွေက အလွန်ကြောက်ဖို့ကောင်းပါတယ်။ဒီမှုခင်းတွေက အခုမှဖြစ်တာလည်းမဟုတ်သလို အရင်ကတည်းကနေလည်း ဖြစ်နေတာဆိုတော့ ကျွန်မတို့ လူ့အဖွဲ့အစည်းအ တွက် စိုးရိမ်စရာဖြစ်လာပါတယ်။

အခုဒီရက်ပိုင်းမှာ ဖြစ်သွားတဲ့ မူခင်းမှာဆိုရင်လည်း လူသတ်မှုပါ ပါတာကိုတွေ့ရပါတယ်။​

ဒီကိစ္စကို မြင်တော့ ကျွန်မတို့ လူ့ အဖွဲ့အစည်းရဲ့အောက်ခြေမှာ ဘယ် လော က်တောင်ဆိုးရွားနေသလဲ။

လိင်ပိုင်းဆိုင်ရာအရ အမြတ်ထုတ်ခံနေရတဲ့ ကလေးတွေ၊မိန်းမတွေ ဘယ်လောက်တောင် ရှိနေမလဲဆိုတာ စဉ်း စားမိပြီး အတော်ရင်လေးစရာဆိုတာကို တွေးမိပါတယ်။

ဒီလိုမျိုးကျူးလွန်ဖို့အတွက် ပစ်မှတ်ထားနေတဲ့သူတွေကော အများကြီးရှိနေနိုင်တယ်ဆိုတာကို တွေးမိပါတယ်။

ကျွန်မအနေနဲ့ကတော့ မုဒိမ်းမှုနဲ့ ပတ် သက်ပြီး ကျူးလွန်တဲ့သူတွေကို ပြင်းပြင်းထန်ထန်အရေးယူသင့်တယ်လို့ထင်ပါတယ်။

ဥပဒေကြောင်းအရကတော့ လက်ရှိမှာ ULA ဖက်ကနေ သုံးနေတဲ့ ဥပဒေကလည်း မြန်မာနိုင်ငံမှာ ပြစ်မှုဆိုင်ရာဥပဒေတွေနဲ့သိပ်ကွာခြားမှုမရှိသေးတာတွေ့ရပါတယ်။

မုဒိမ်းမှုကို ဥပဒေအရ ပုဒ်မ ၃၇၆ နဲ့ ကိုင်ပြီးတော့ အခုက လူသတ်မှုပါပါတယ်ဆိုတော့ ကျူး လွန်သူကို သေ ဒဏ် ဒါမှမဟုတ် က်တကျွန်းအနေနဲ့ ပြစ်မှုချလို့ရပါတယ်။​

အခုရက်ပိုင်းက ဖြစ်သွားတဲ့ ကိစ္စမှာဆို Rape လုပ်ပြီးမှ လူသတ်မှုကျုးလွန်တာဖြစ်လို့ ပြင်းပြင်းထန်ထန်အနေနဲ့ ချမှ တ်လို့ရပါတယ်။

သေဒဏ်ပေးဖို့ အန္တရာယ်များတယ်ဆိုရင်တောင်မှ နောက်ထပ်ကျုးလွန်မယ့်သူတွေ ထပ်မလုပ်ရအောင်၊ကြောက်သွားအောင် ပြင်းပြင်းထန်ထန်အပြစ် ပေးနေတယ်ဆိုတာကို သိသွားအောင် လုပ်သင့်တယ်လို့ ထင်ပါတယ်။

လက်ရှိ ULA အစိုးရဖက်ကနေလည်း ဥပဒေအရကောလူမှုရေးအရကော အသိပညာပေးတာတွေကို ပိုလုပ်သင့်ပါတယ်။ဥပမာအနေနဲ့ မုဒိမ်းမှုကျုးလွန်ရင် ဘယ်လောက်ထိ အပြစ် ကြီးတယ်ဆိုတာမျိုးကို ပြည်သူတွေသိသွားအော င် ပြုလုပ်သင့်တယ်ထင်ပါတယ်။

တဖက်မှာလည်း ကျုးလွန်ခံရသူတွေကို အပြစ်တင်တာတို့ နှုတ်နဲ့ရှုတ်ချတာတွေ မလုပ်ဖို့လည်း အများကြီး လိုတ ယ်ထင်ပါတယ်။

အမျိုးသမီးတွေနဲ့ ကလေးတွေနဲ့ ပတ် သက်ပြီးတော့လည်း ကလေးသူငယ်ကာကွယ်ရေးလို အခွင့်အရေးတွေကို စနစ်တကျလုပ်သင့်တယ်ထင်ပါတယ်။

ကျောင်းတွေမှာလည်း သင်ရိုးတွေထဲမှာ Sex Education ပိုင်းကို ထည့်ပြီး သင်ကြားတာတွေကို ပြုလုပ်ရင်သင့်တယ်ထင်ပါတယ်။

ပြစ်မှုကျုးလွန်တဲ့သူကိုအပြစ်ပေးတဲ့အခါလည်း တိကျသေချာတဲ့ ပြစ်မှုပုဒ် မတွေနဲ့ ဘယ်အမှုကိုက ဘယ်လိုအပြစ်ပေးမယ်ဆိုတာကို အတိအကျပြဌာန်းပြီး အပြစ်ပေးတာက ပိုသင့်တော်မယ်ထင်ပါတယ်။​

မုဒိမ်းမှုဆိုရင်လည်း ဘယ်လောက်တိ တိကျကျ အရေးယူမယ်ဆိုတာကိုပါထည့်သွင်းထားသင့်ပါတယ်။

နောက်တချက်က ကျုးလွန်ခံရတဲ့ မိ သားစုဝင်တွေကိုလည်း ဥပဒေအရ အပြည့်အဝအကာအကွယ်ပေးထားရမယ်လို့ ထင်ပါတယ်။

လိင်ပိုင်းဆိုင်ရာအနိုင်ကျင့်ခံရတာတွေနဲ့ပတ်သက်ပြီး ပွင့်လင်းမြင်သာစွာနဲ့တိုင်ကြားလို့ရနိုင်တဲ့ သီးခြားရုံးတခုကိထားရင်လည်း ပိုသင့်တော်မယ်ထင်ပါတယ်။​”