Border News Agency
မန္တလေး၊ စက်တင်ဘာ ၁၄။
Cover ကလပ်မှာ “ဗုဒ္ဓံသရဏံဂစ္ဆာမိ” သီချင်းကိုDJ တီးခတ်ဖျော်ဖြေခဲ့တဲ့ DJ Violetနဲ့Cover Club တာဝန်ရှိသူလေးဦးကို ဗုဒ္ဓဘာသာအပေါ် အကြည်ညိုပျက်အောင်ပြုလုပ်မှု ပုဒ်မ ၅၀၅-က နဲ့ အမှုဖွင့်စစ်ဆေးထားတယ်လို့ စစ်ကော်မရှင်က စက်တင်ဘာလ ၁၃ ရက်၊မနေ့က ထုတ်ပြန်ပါတယ်။
မန္တလေးမြို့၊ မဟာအောင်မြေမြို့နယ်၊ ရဲမွန်တောင်ရပ်ကွက်၊ ၃၆လမ်းနဲ့၃၆ × ၅၃ လမ်းထောင့်မှာရှိတဲ့ Cover Club မှာ ပြီးခဲ့တဲ ဇူလိုင်လ ၃၁ရက်နေ့က “ဗုဒ္ဓံ သရ ဏံဂစ္ဆာမိ” သီချင်းကို DJ Violetနဲ့မန်နေဂျာ၂ယောက်က မနက် ၁နာရီမှ ၂နာရီအတွင်း DJ နဲ့တီးခတ်ပြီး မူးယစ်ကခုန်ခဲ့တယ်လို့ ဆိုပါတယ်။
ရန်ကုန်မြို့၊ သင်္ဃန်းကျွန်းမြို့နယ်၊ နနွင်းကုန်းရပ်ကွက် နေအိမ်မှာ စက်တင်ဘာ လ ၁၁ ရက်နေ့၊ ညနေအချိန်မှာ DJ တီးခတ်သူအသက် ၂၄ နှစ်အရွယ်မခင်ထွေးထွေးမွန် (ခ) Violetနဲ့အသက် ၂၈ နှစ်အရွယ် ကိုဖြိုးဟိန်းကိုကို(ခ)မင်းထိုက် တို့ကိုဖမ်းဆီးရမိခဲ့တယ်လို့ ဆိုပါတယ်။
အဲဒီအပြင်Cover Club ဆိုင်ပိုင်ရှင် အ သက် ၄၈ နှစ်အရွယ်ကိုသက်လွင်အော င်(ခ)မျိုးအောင်၊အသက် ၃၁ နှစ်အရွယ် မန်နေဂျာ ဇင်စုရကိုလည်း Cover Club မှာပဲဖမ်းဆီးခဲ့တယ်လို့ ဆိုပါတယ်။
နောက်ပြီးဆိုင်အတွင်းက DJ နဲ့ဆက်စပ်တဲ့သက်သေခံပစ္စည်းတွေကို သိမ်းဆည်းရင်း ကလပ်ကိုပါချိပ်ပိတ်လိုက်ခဲ့တယ်လို့ဆိုပါတယ်။
