Border News Agency
ကျောက်တော်၊စက်တင်ဘာ ၁၆။

ကျောက်တော်မြို့နယ်၊ သရက်တပင်ကျေးရွာရှိ ကျောင်းနှစ်ကျောင်း လေကြောင်းတိုက်ခိုက်ခံရမှုအကြောင်းကိုမျက်မြင်ကြုံတွေ့ခဲ့သူ၊ တိုက်ရိုက်သိရှိသူတွေအနေနဲ့အထောက်အထားတွေမျှဝေဖို့ မြန်မာယန္တရားအဖွဲ့က စက်တင်ဘာလ ၁၆ ရက်၊ ဒီနေ့တောင်းခံနေပါတယ်။

ကျောက်တော်မြို့နယ်မှာ စက်တင်ဘာလ ၁၂ ရက်နေ့က စစ်ကော်မရှင်တပ်လေကြောင်းတိုက်ခိုက်လို့ ၂၀ သေဆုံးပြီး ၂၁ ဦးဒဏ်ရာရခဲ့ပါတယ်။

ခုလိုဝမ်းနည်းဖွယ်ရာဖြစ်စဥ်ဟာ၂၀၂၁ ခုနှစ်၊ ဖေဖေါ်ဝါရီလစစ်အာဏာသိမ်းပြီးနောက်ပိုင်း ကျောင်းတွေကိုဆိုးဆိုးဝါးဝါးတိုက်ခိုက်မှုတွေထဲကတခုဖြစ်တယ်လို့ဆိုပါတယ်။

ရခိုင်ရှိအရပ်သားပြည်သူတွေဟာတိုက်ခိုက်မှုတွေ၊ သတ်ဖြတ်မှုတွေ၊ အတင်းအကြပ်နေရပ်ရွှေ့ပြောင်းခံရတာတွေနဲ့ ငတ်မွတ်ခေါင်းပါးမှုဒုက္ခတွေကို ပိုပြီးဆိုးရွားစေတယ်လို့ဆိုပါတယ်။

အဲဒီဖြစ်ရပ်တွေအပါအဝင် တခြားလေကြောင်းတိုက်ခိုက်မှုတွေနဲ့ ဆက်စပ်တဲ့ အချက်အလက်တွေကို စုဆောင်းနေတယ်လို့ဆိုပါတယ်။

အဲဒီထဲမှာဒဏ်ရာရရှိမှု၊ အပျက်အစီးတွေ၊ လေယာဥ်နဲ့လက်နက်ခဲယမ်းတွေ၊ ဓာတ်ပုံသို့မဟုတ် ဗီဒီယိုတွေ၊ ထိခိုက်သူတွေရဲ့ အချက်အလက်တွေ၊ လေကြောင်းတိုက်ခိုက်ရာမှာ အသုံးပြုတဲ့လေယာဥ်နဲ့လက်နက်အမျိုးအစားတွေ၊ ပါဝင်သူလေယာဥ်မှူးတွေနဲ့ ပေးအပ်တဲ့ အမိန့်တွေရဲ့အချက်အလက်တွေကို ပို့ပေးနိုင်တယ်လို့ဆိုပါတယ်။

အဲဒီအချက်အလက်တွေကို ယန္တရားရဲ့ Signal နံပါတ် +41 76 691 12 08 သို့ ဆက်သွယ်လို့ရတယ်လို့ဆိုပါတယ်။

အဲဒီအချက်အလက်တွေကိုပျောက်သွားစေတဲ့စနစ် Disappearing Messagesကို Signal မှာအသုံးပြုထားတဲ့အတွက်အဲဒီအချက်အလက်တွေအလိုအလျောက် ပျောက်သွားစေလိမ့်မယ့်လို့ဆိုပါတယ်။

အချက်အလက်မျှဝေပေးသူတွေဟာအရေးကြီးတာကြောင့် ဘေးကင်းလုံခြုံတဲ့အချိန်မှသာဆက်သွယ်ဖို့ မေတ္တာရပ်ခံထားပါတယ်။