Border News Agency
ပလက်ဝ၊ စက်တင်ဘာ ၁၆။
အာရက္ခတပ်တော်ထိန်းချုပ်ထားတဲ့ ပလက်ဝမြို့နယ်မှာ သွေးလွန်တုပ်ကွေးရောဂါကြောင့် ကလေးငယ်တွေအပါ အဝင် အရပ်သားလေးဦးသေဆုံးသွားခဲ့တယ်လို့ ပလက်ဝဒေသခံတွေက ဆိုကြပါတယ်။
အဲဒီသေဆုံးသွားသူတွေဟာ ပလက်ဝမြို့နယ်၊ မောင်ရွာကအသက်ကိုးလအ ရွယ်မောင်ထောင်လွန်၊ ဗုဒ္ဓဂါမကျေးရွာကအသက်ကိုးနှစ်အရွယ်မောင်ဘူးနိုင်၊ အထက်ဗုဒ္ဓဂါမကျေးရွာကအသက်တနှစ်အရွယ်မောင်ပိုင်လင်းထွန်းနဲ့ ကိုဖေကြီးကျေးရွာကအသက်တဆယ့်ကိုးနှစ်အရွယ်မောင်အိုင်လုံးဘူတို့ ဖြစ်ကြပါတယ်။
“ရွာကလမ်းပန်းဆက်သွယ်ရေးအရမ်းခက်ခဲတယ်။ရွာက ဆေးခန်းမှာက ဆေးမရှိဘူး။တောဆေးမြစ်တွေဖော် စပ်သောက်သုံးပြီးရမ်းကုကုသနေရတယ်။ဒီလပထမအပတ်ကလသားအ ရွယ်ကလေးတယောက်ပါသေသွားခဲ့တယ်။ကျန်းမာရေးဏ္ဍနဲ့ပတ်သက်လို့ ပလက်ဝမြို့နယ်မှာအကူညီတွေအများကြီးလိုအပ်ပါတယ်။” ပလက်ဝဒေသအတွင်းပြောင်းရွှေ့နေထိုင်သူတွေနဲ့ လူ သားချင်းစာနာထောက်ပံ့မှုအဖွဲ့မှ တာဝန်ရှိသူတဦးက Border News Agency ကိုပြောပါတယ်။
အဲဒိီသေဆုံးသွားသူတွေဟာ ပြီးခဲ့တဲ့သြဂုတ်လကစလို့ ဖျားနာတာ၊ ခေါင်းကိုက်တာ၊ အော့အန်မူးဝေတာ၊ ဝမ်းလျော့တာတွေစတဲ့ရောဂါလက္ခဏာတွေခံစားရပြီး သွေးလွန်တုပ်ကွေးရော ဂါဖြစ်ပွားနေတာဖြစ်တယ်လို့ဒေသခံတွေကဆိုကြပါတယ်။
သူတို့တွေဟာ အဲဒီရောဂါလက္ခာတွေကြောင့် စက်တင်ဘာလပထမအပတ်မှာဆေးဝါးမကုသနိုင်လို့ သေဆုံးသွားခဲ့ရတာဖြစ်တယ်လို့ ဆိုပါတယ်။
အဲဒိိီအပြင် ပလက်ဝမြို့နယ်၊မောင်၊ဗုဒ္ဓဂါမစတဲ့ကျေးရွာအနီးက ရွာပေါင်းဆ ယ်ရွာခန့်မှာလည်း သွေးလွန်တုပ်ကွေးရောဂါဖြစ်ပွားနေပြီးငွေကြေးအခက် အခဲတွေကြောင့် ဆေးဝါးမကုသနိုင်လို့ အကူအညီတွေလိုအပ်နေတယ်လို့ဆိုပါတယ်။
“ရွာမှာဆေးခန်းရှိပေမယ့် ဆေးခန်းမထိုင်ဘူး။မဖွင့်ဘူး။ဆေးလည်းမရှိဘူး။တခုခုဆိုပလက်ဝထိသွားပြီးကုရတယ်။ လမ်းပန်းဆက်သွယ်ရေးခက်ခဲတော့ အရေးပေါ်လူနာတွေအတွက်စိုးရိမ်ရတယ်။သွေးလွန်တုပ်ကွေးရော ဂါအတွက်ဆေးကုသမှုတွေလိုအပ်နေပါတယ်။” လို့ ပလက်ဝဒေသခံတဦး Border News Agencyကိုပြောပါတယ်။
ပလက်ဝမြို့နယ်ကို အာရက္ခတပ်တော်က ၂၀၂၄ခုနှစ်၊ဇန်နဝါရီလ ၁၄ ရက်နေ့မှာ အပြီးသတ်တိုက်ခိုက်သိမ်းပိုက်ထားတာဖြစ်ပါတယ်။
ဒါပေမယ့် ဒေသခံအများစုမှာ နေရပ်မပြန်နိုင်ကြသေးတာမို့ စားဝတ်နေရေးအပါအဝင် အခက်အခဲ၊စိန်ခေါ်မှုတွေအများကြီးကြုံတွေ့နေကြရတယ်လို့ ဆိုကြပါတယ်။
ပလက်ဝမြို့နယ်မှာ ပြီးခဲ့တဲ့ ၂၀၂၄ ခုနှစ်မှကလည်း သွေးလွန်တုပ်ကွေးရော ဂါ၊ငှက်ဖျားရောဂါနဲ့ဝမ်းလျောဝမ်းပျက်ရောဂါတွေကြောင့် သေဆုံးသွားသူတွေလည်းရှိခဲ့တယ်လို့ ဆိုကြပါတယ်။
အဲဒီအပြင်ပြီးခဲ့တဲ့ဇွန်လအတွင်းကလည်း ပလက်ဝမြို့နယ်မှာ ဝမ်းပျက်ဝမ်းလျောရောဂါဖြစ်ပွားလို့ တနှစ်အောက်အရွယ် ကလေးငယ်နှစ်ဦးသေဆုံးသွားခဲ့တယ်လို့ Chin Telehealth က ထုတ်ပြန်ထားပါတယ်။
