အင်တာဗျူး
Border News Agency
ပလက်ဝ၊စက်တင်ဘာ ၁၇။

အာရက္ခတပ်တော်(AA)ထိန်းချုပ်ထားတဲ့ပလက်ဝမြို့နယ်မှာစစ်ဘေးရှောင်တွေဟာ ရာသီတုတ်ကွေးရောဂါဖြစ်လို့သေဆုံးတာတွေထိရှိနေကြပါတယ်။

အဲဒီအပြင်စားဝတ်နေရေး၊ ကျန်းမာရေးစောင့်ရှောက်မှုတွေလည်းလိုအပ်နေကြတယ်လို့ ဆိုကြပါတယ်။

အဲဒါကြောင့် Paletwa IDPs and Humanitarian Supporting အဖွဲ့မှတာဝန်ရှိသူဆလိုင်းဘွေရှိုင်းကို Border News Agency က ဆက်သွယ်မေးမြန်းထားပါတယ်။

“ကျမ်းမာရေးအခြေအနေအရေးပေါ်ကိစ္စတွေမှာဆိုရင် ကျနော်တို့က သွားရမယ့်လမ်းကြောင်းတော့ နှစ်ခုဘဲရှိတယ်။

ကျနော်တို့ဆောဖက်ကနေရန်ကုန်ဖက်သွားမယ့်လမ်းကြောင်းတကြောင်းရယ်။

နောက်ပြီးတော့ပြည်ပနိုင်ငံဖြစ်တဲ့မီဇိုရမ်ဖက်ကို သွားရမယ့်လမ်းကြောင်းတခုရှိတာပေါ့နော်။

အဲလိုမျိုးနေရာတွေမှာ ငွေကြေးတတ် နိုင်တဲ့သူတွေက သွားနိုင်တာပေါ့။ ငွေကြေးမတတ်နိုင်တဲ့သူတွေဆိုတော့ခါကျတော့မသွားနိုင်ဘူးပေါ့နော်။ ဒါက ကျမ်းမာရေးအခြေနေပေါ့။

ဆိုတော့ NGO သို့မဟုတ် နိုင်ငံတကာအဖွဲ့အစည်းတွေရဲ့ကူညီပေးမှုကဘာလိုအပ်လဲဆိုရင် ကျနော်တို့ ကျန်းမာရေးစောင့်ရှောက်မှုကလည်းအဓိကလိုအပ်သလို၊ ကျနော်တို့ တိုက်ပွဲရှောင်၊ စစ်ဘေးရှောင်တွေပေါ့။ သူတို့ရဲ့စားနပ်ရိက္ခာကလည်းလိုအပ်တာဖြစ်တယ်။

ဒီနေ့ဒီအချိန်ထိတကယ်တမ်းဆိုရင်တော့ မှတ်မှတ်ရရအဲလိုမျိုးကူညီပေးတဲ့အဖွဲ့အစည်းတွေမရှိဘူးလို့ကျ​နော်တို့ကသုံးသပ်ပါတယ်။

ဆိုတော့ နိုင်ငံတာအဖွဲ့အစည်းအနေနဲ့ပဲဖြစ်ဖြစ် စစ်ဘေးရှောင်တွေအတွက်သော်လည်းကောင်း အခုချိန်မှာဆိုရင် လမ်းပမ်းဆက်သွယ်​ရေးခက်ခဲမှုကြောင့်ဖြစ်ဖြစ် တမြို့နဲ့တမြို့ချိတ်ဆက်ဖို့ ခက်ခဲတဲ့အခါကျတော့ဒေသခံပြည်သူတွေ အကုန်လုံးကတော့ စိန်ခေါ်မှုများ စွာနဲ့ရင်ဆိုင်နေရတဲ့အနေအထားဖြစ်နေတယ်။

ဆိုတော့… ဒီစားသောက်ရေးအတွက်လည်း ကျနော်တို့က တောင်ယာကို မှီခိုရတဲ့အနေအထားဖြစ်တာပေါ့နော်။ ဒါကတော့တနိုင်တပိုင်တောင်ယာလုပ်ကြတာပါ။

တချို့သူတွေကျတော့ တောင်ယာလ ည်းမလုပ်နိုင်။အဲဒီအခါကျတော့ စားဝတ်နေရေးအတွက် တော်တော်ကိုစိန် ခေါ်မှုနဲ့ကြုံနေရတယ်လို့ အကြမ်းအား ဖြင့်ပြောလို့ရပါတယ်။

ကျန်းမာရေးစောင့်ရှောက်မှုအဆင့်တက်အောင်လုပ်ရမယ့်ကိစ္စကတော့ ကျနော်တို့စေတနာ့ဆရာ၊၊ဆရာမတွေ တော်တော်လေးနည်းပါးတယ်။

ပြောရမယ်ဆိုရင်ကျန်းမာရေးဝန်ထမ်းတွေလိုအပ်တာတွေရှိတယ်။

နောက်ပြီးတော့ ဆေးဝါးပိုင်းမှာထောက်ပံ့ပေးနိုင်တဲ့အဖွဲ့အစည်းတွေ ကျနော်တို့များများလိုတယ်။

အဲဒီလိုမျိုးရှိတယ်ဆိုရင် ကျနော်တို့ကျန်းမာရေးစောင့်ရှောက်မှုတွေ၊ပြည်သူ့ဝန်ဆောင်မှုတွေအတွက်လုပ်ပေးနိုင်မယ့်အပိုင်းတွေ။ ကျနော်တို့ကတော့အဲလိုမျိုးပဲ မြင်မိပါတယ်။

လက်ရှိအခြေနေမှာဆိုရင် ကျန်းမာရေးဝန်းထမ်းတွေအရမ်းနည်းတယ်။ သိပ်ပြီးတော့မလောက်ဘူး။

လမ်းပမ်းဆက်သွယ်ရေးလည်း အခြေနေမကောင်းတဲ့အခါ အကုန်လုံးကိုသူတို့လည်းမသွားနိုင်တဲ့အပိုင်းတွေအများကြီးရှိတယ်။

ဒေသရဲ့အခြေနေအရကျန်းမာရေးဝန်ထမ်းများများလိုတယ်။

ဒီကာလမှာဆိုရင်တော့ ပြည်သူလူထုတွေ ငွေရေးကြေးရေးမတတ်နိုင်တဲ့အပိုင်းတွေလည်းရှိတယ်။

နောက်ပြီး ခုနားကပြောတဲ့ ရန်ကုန်တို့မီဇူရန်တို့ဆိုတာ သွားနိုင်တဲ့လူတွေမှပဲသွားကြတာ၊မသွားနိုင်တဲ့လူတွေဆိုရင်တော့ ပွင့်ပွင့်လင်းလင်းပြောရရင်ကျန်းမာရေးကုသလို့ အဆင်ပြေနေမယ့်လူတွေတောင်မှမသွားနိုင်ပဲ အသက်ဆုံး ရှုံးရတဲ့သူတွေလည်းရှိပါတယ်။

ဒါကတော့ တကယ်စိတ်မကောင်းစရာပဲပေါ့နော်။ဒါတွေကလည်း တော်လှန် ရေးကာလမို့လို့ ဘယ်တတ်နိုင်မှာလည်းပေါ့။

ပြောချင်တာကတော့ ကျနော်တို့ရဲ့ ဒေတာတွေမှာ ဒေါက်တာအဆင်းတွေ၊ကျ န်းမာရေးဝန်ထမ်းတွေရှိပေးနိုင်တယ်ဆိုရင်တော့ အဝေးမသွားပဲနဲ့မိမိရဲ့ဒေသတွေမှာ အဲလိုမျိုး ကျန်းမာရေးစောင့် ရှောက်မှု ပြည်သူတွေကိုလုပ်ပေးနိုင်မယ်လို့တော့ ထင်ပါတယ်။”