Border News Agency
မန္တလေး၊ စက်တင်ဘာ ၂၁။
မန္တလေးတိုင်း၊ သပိတ်ကျင်းမြို့နယ်ကို စစ်ကော်မရှင်လေကြောင်းတိုက်ခိုက်လို့ အရပ်သားလေးဦးသေဆုံးသွားပြီး ဆယ်ဦးဒဏ်ရာရသွားတယ်လို့ ပြည်သူ့ကာကွယ်ရေးတပ်မတော်(မန္တလေး)မှ စက်တင်ဘာလ ၂၁ ရက်၊ ဒီနေ့ထုတ်ပြန်ပါတယ်။
စစ်ကော်မရှင်ဟာ သပိတ်ကျင်းမြို့နယ်၊ ကျောက်ဖြာကျေးရွာကို စက်တင်ဘာလ ၂၁ ရက်၊ ဒီနေ့နေ့လည် ၂ နာရီအချိန်ခန့်က လေကြောင်းတိုက်ခိုက်ခဲ့တာကြောင့် အရပ်သားလေးဦးသေဆုံးပြီး ဆယ်ဦးဒဏ်ရာရသွားတယ်လို့ ဆိုပါတယ်။
အဲဒီအပြင် စဉ့်ကူးမြို့နယ်၊ နဂါးမောက်တောင်ပေါ်သို့ ဒီနေ့ ၁ နာရီအချိန်ခန့်က စစ်ကော်မရှင်တပ်လေကြောင်းတိုက်ခိုက်ခဲ့တာကြောင့် အရပ်သားနှစ်ဦး ဒဏ်ရာရခဲ့တယ်လို့ဆိုပါတယ်။
ပြည်သူ့ကာကွယ်ရေးတပ်မတော်(မန္တလေး)ဟာ ဒေသတွင်းတော်လှန်ရေးအင်အားစုတွေနဲ့ ပူးပေါင်းပြီး မတ္တရာမြို့နယ်၊ စဉ့်ကူးမြို့နယ်နဲ့သပိတ်ကျင်းမြို့နယ်တွေရှိ စစ်ရှောင်စခန်းတွေကို
သွားရောက်ပြီး အားပေးစကားပြောတာ၊ ကျန်းမာရေးစောင့်ရှောက်မှုတွေနဲ့လိုအပ်တဲ့ စားနပ်ရိက္ခာ၊ အဝတ်အထည်တွေကို ကူညီပေးတာတွေပြုလုပ်နေတယ်လို့ဆိုပါတယ်။
