Border News Agency
နေပြည်တော်၊ စက်တင်ဘာ ၃၀ ။
မြန်မာနိုင်ငံကို ဘက်ပေါင်းစုံကကြိုးစားဖို့လိုပြီး တဖက်မှာလည်းနိုင်ငံရေးအရသဘောထားကွဲလွဲမှုတွေကို ပြည်ထောင်စုရဲ့အကျိုးကိုရည်မှန်းပြီး အမြင်ကျယ်ကျယ်နဲ့ လုပ်ဆောင်ဖို့လိုတယ်လို့ အာဏာသိမ်းစစ်ခေါင်းဆောင်ဗိုလ်ချုပ်မှူးကြီးမင်းအောင်လှိုင်က ပြောပါတယ်။
ရုရှားနဲ့ကာဇက်စတန်နိုင်ငံတွေကိုအ လုပ်သဘောခရီးသွားရောက်ခဲ့တဲ့ဗိုလ်ချုပ်မှူးကြီးမင်းအောင်လှိုင်ဟာ လေယာဉ်ပေါ်မှာမီဒီယာတွေ မေးမြန်းတာကို ပြန်ဖြေကြားခဲ့တာပါ။
နိုင်ငံရေးအရသဘောထားကွဲလွဲမှုတွေကို ပြည်ထောင်စုအကျိုးကိုရည်မှန်းပြီးတော့ အမြင်ကျယ်ကျယ်နဲ့ဖြေရှင်းဖို့လို အပ်သလို ဘက်ပေါင်းစုံကကြိုးစားဖို့လိုပြီး တဖက်မှာလည်း နိုင်ငံရေးအရသဘောထားကွဲလွဲမှုတွေကိုပြည်ထော င်စုရဲ့အကျိုးကို ရည်မှန်းပြီးတော့အမြင်ကျယ်ကျယ်နဲ့လုပ်ဆောင်ဖို့လိုတယ်လို့ဆိုပါတယ်။
မြန်မာနိုင်ငံဟာ တဖက်မှာလည်းအားနည်းချက်တွေရှိတဲ့ပညာရေးအပိုင်းနဲ့ ကုန်ထုတ်လုပ်မှုအပိုင်းကိုကြိုးစားအားထုတ်မှုတွေလုပ်ဆောင်ဖို့ လိုတယ်လို့ ဆိုပါတယ်။
အဲဒီအပြင်သယံဇာတပစ္စည်းတွင်းထွက်ပစ္စည်းရေနံဓာတ်ငွေ့ပစ္စည်း၊ သစ်တောထွက်ပစ္စည်းတွေရောင်းချတာပဲရှိပြီး အလုပ်လုပ်ပြီးထုတ်လို့ရတဲ့ပစ္စည်းတင်ပို့ရောင်းချမှုက အားနည်းတာရှိတယ်လို့ ဗိုလ်ချုပ်မှူးကြီးမင်းအောင်လှိုင်က ဆိုပါတယ်။
အဲဒါကြောင့် မြန်မာနိုင်ငံဟာ ရေမြေတောတောင်တွေကို အသုံးချပြီးတော့ ကုန်ထုတ်လုပ်မှုလုပ်ငန်းကိုသွားဖို့လိုပြီး သယံဇာတထုတ်ရောင်းတယ်ဆိုတာ ခိုင်မာတဲ့လုပ်ငန်းမဟုတ်တဲ့အတွက် ခိုင်မာတဲ့အလုပ်ကိုလုပ်ဖို့လိုတယ်လို့ဆိုပါတယ်။
မြန်မာစစ်တပ်ဟာ ရွေးကောက်ခံပြည်သူ့အစိုးရကို အာဏာသိမ်းလိုက်ပြီးနောက် နိုင်ငံအနှံ့မှာစစ်အာဏာရှင်ဆန့်ကျင်ရေးလူထုလှုပ်ရှားမှုတွေဖြစ်လာခဲ့ပါတယ်။
အဲဒီအပြင်လက်နက်ကိုင်တော်လှန်မှုတွေလည်းဖြစ်နေသလို နိုင်ငံတကာဖိအားတွေလည်းများနေတာမို့ အာဏာသိမ်းစစ်ခေါင်းဆောင်ဟာဖိအားများစုံခံနေရပါတယ်။
