Border News Agency
အမ်း၊ အောက်တိုဘာ ၁၆။

ရခိုင်ရိုးမတောင်တန်းကြီးအမ်း-ပဒါန်းလမ်းပေါ်ရှိ အမြောက်တပ်နဲ့လေကြော င်းရန်ကာကွယ်ရေးတပ်စခန်းတည်ရှိရာ နတ်ရေကန်တောင်ဗျူဟာကုန်းကို အပြီးသတ်သိမ်းပိုက်ဖို့ ထိုးစစ်ဆင်တို က်ခိုက်နေတယ်လို့ အောက်တိုဘာလ ၁၅ ရက်၊မနေ့က အာရက္ခတပ်တော်ထုတ်ပြန်ပါတယ်။

အဲဒီနတ်ရေကန်ဗျူဟာကုန်းက လက် ကျန်နေရာတချို့ကို ထိုးစစ်ဆင်တိုက် ခိုက်နေတာမို့ စစ်ကော်မရှင်တပ်ဖွဲ့ဝင်တွေထွတ်ပြေးနေကြသလို နေရာတချို့မှာတိုက်ပွဲတွေဆက်ဖြစ်နေတယ်လို့ အာရက္ခတပ်တော်က ဆိုပါတယ်။

အဲဒီတိုက်ပွဲတွေက လက်နက်ချအလ င်းဝင်ရောက်လာသူတွေကိုလည်း စစ် သုံ့ပန်းဥပဒေနဲ့အညီ ကောင်းမွန်စွာ ပြု စုစောင့်ရှောက်ပေးထားတယ်လို့ အာရက္ခတပ်တော်က ဆိုပါတယ်။

အဲဒီနတ်ရေကန်တောင်ဗျူဟာကုန်းဟာအမြင့်ပေငါးထောင်နှစ်ရာမှာတည်ရှိပြီးမြန်မာနိုင်ငံအနောက်ဘက်အတွက်လေကြောင်းရန်ကာကွယ်ရေးဗျူဟာဖြစ်တာမို့အလွန်အရေးပါတဲ့ဗျူဟာကြီးဖြစ်ပါတယ်။

အဲဒီအပြင် စစ်ကော်မရှင်တပ်ရဲ့ကာကွ ယ်ရေးပစ္စည်းထုတ်လုပ်ရေးစက်ရုံတွေတည်ရှိရာပဒန်းတပ်နယ်ကို အပေါ်စီးကမြင်တွေ့စိုးမိုးနိုင်တဲ့အမြင့်ဆုံးအထိုင်ဗျူဟာကြီးလည်း ဖြစ်ပါတယ်။

အဲဒါကြောင့် စစ်ကော်မရှင်တပ်ဖွဲ့ဝင်ထောင်နဲ့ချီပြီး အင်အားဖြည့်တင်းခုခံနေသလို မြေပြင်စစ်ကူ၊ ပစ်ကူ၊ လေကြောင်းပစ်ကူ၊ ပစ်ကူတွေအများဆုံးပေးခုခံနေတာလို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။

အဲဒီနတ်ရေကန်ဗျူဟာကြီးကို ပြီးခဲ့တဲ့ဇန်နဝါရီလကစတင်ပြီး အာရက္ခတပ်တော်ထိုးစစ်ဆင်တိုက်ခိုက်နေခဲ့တာဖြစ်ပြီး မထုံး၊ လင်းတဲ၊ စွန်တက်၊ ဂုတ်စည်း၊ ကံမြင်ကန်၊ ဂုတ်ကြီးစခန်း၊ MPT တာဝါတိုင်၊ကမ္ဘာလုံးစတဲ့စခန်းတွေအပါအဝင်ကာကင်းစခန်းတွေကို သိမ်းပိုက်ထားပြီဖြစ်ပါတယ်။

အဲဒီနတ်ရေကန်ဗျူဟာကြီးဟာ မကွေးတိုင်းမှအမ်းမြို့နယ်သို့အဓိကဝင်ပေါ က်ထွက်ပေါက်အဓိကဗျူဟာအကျဆုံးနေရာမှာတည်ရှိတာမို့ နတ်ရေကန်ဗျူ ဟာကြီးကို အပြီးသတ်သိမ်းပိုက်နိုင်ပြီး
ရင် အမ်းမြို့နယ်အတွက်စစ်ကော်မရှင်တပ်ပြန်လည်ထိုးစစ်ဆင်မယ့်အန္တရာယ်ကို ကာကွယ်ပြီးသွားဖြစ်သွားမယ်လို့မြေပြင်စစ်ရေးသတင်းရင်းမြစ်တွေကဆိုကြပါတယ်။

အဲဒီအပြင် စစ်ကော်မရှင်တပ်ရဲ့ပဒါန်းတပ်နယ်တခုလုံးကိုလည်း စစ်ရေးအရဖိအားပေးခြိမ်းခြောက်ထားနိုင်တော့ စစ်ကော်မရှင်တပ်ရဲ့ကာကွယ်ရေးပစ္စ ည်းထုတ်လုပ်ရေးစက်ရုံတွေကိုလည်း
ဝင်ရောက်တိုက်ခိုက်သိမ်းပိုက်နိုင်ဖို့ ပိုများသွားပြီးလို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။

အဲဒါကြောင့်မကွေးတိုင်းဒေသကြီး၊မ င်းဘူးခရိုင်၊ပဒါန်းမြို့အနီးတည်ရှိတဲ့အ မှတ် ၉၀၅ အမြောက်စခန်းကွပ်ကဲမှုဌာနချုပ်မှာဒေသကွပ်ကဲရေးမှူးကိုယ် တိုင်ဦးဆောင်စစ်ကူပေးနေတယ်လို့ ဆိုကြပါတယ်။

အဲဒီအမှတ် ၉၀၅ အမြောက်စခန်းကွပ် ကဲမှုဌာနချုပ်ဟာ ကျောက်တော်မြို့န ယ်အခြေစိုက်အမှတ် ၃၇၇ အမြောက် တပ်ရင်း၊ဘူးသီးတောင်မြို့နယ်အခြေစိုက်အမှတ် ၃၇၈ အမြောက်တပ်ရင်း ၊
အမ်းမြို့နယ်အခြေစိုက်အမှတ် ၃၇၄ အမြောက်တပ်ရင်းကို ကွပ်ကွဲနေခဲ့တာဖြစ်ပါတယ်။

အဲဒီအပြင် စစ်တွေမြို့နယ်အခြေစိုက်အမှတ် ၃၇၃ အမြောက်တပ်ရင်း၊ ငဖဲမြို့နယ်၊ ပဒါန်းမြို့အခြေစိုက်အမှတ် ၃၇၅ အမြောက်တပ်ရင်းကိုလည်း ကွပ်ကွဲနေတာမို့ မြန်မာ-ဘင်္ဂလား​ဒေ့ရှ်နယ်စပ်အ တွက်အရေးပါတဲ့ကွပ်ကွဲမှုဌာနချုပ်ဖြစ်ပါတယ်။

အဲဒီနတ်ရေကန်လေကြောင်းရန်ကာကွ ယ်ရေးဗျူဟာမှာ မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့အခြေစိုက်အမှတ် ၉လေကြောင်းရန်ကာကွယ် ရေးစစ်ဆင်ရေးကွပ်ကဲမှုဌာနချုပ်လက်
အောက်ခံဖြစ်ပြီး မြန်မာ-ဘင်္ဂလား​ဒေ့ရှ်နယ်စပ်အတွက်အရေးပါတဲ့စစ်ဆင်ရေးပြုလုပ်ရတဲ့လေကြောင်းရန်ကာကွယ် ရေးဗျူဟာလည်းဖြစ်ပါတယ်။

အဲဒီနတ်ရေကန်ဗျူဟာကုန်းကြီးအပါ အဝင်အာရက္ခတပ်တော်နဲ့စစ်ကော်မရှင်တပ်ကြား နှစ်ဖက်စလုံးအတွက်စစ်ရေးအချက်အချာချပြီးစစ်ရေးအရအရေးပါးတဲ့ငါးနေရာမှာ အပြန်အလှန်ထိုးစစ်တွေ နေ့စဉ်ဖြစ်နေခဲ့ကြတာကြာခဲ့ပြီလို့ အောက်တိုဘာလ ၁၀ ရက်နေ့က အာရက္ခတပ်တော်ထုတ်ပြန်ထားပါတယ်။