Border News Agency
စစ်ကိုင်း၊ သြဂုတ် ၇။
စစ်ကိုင်းတိုင်း၊ ခင်ဦးမြို့နယ်၊ မူးမြစ်အရှေ့ဘက်နဲ့ DY-1တူးမြောင်းတလျှောက်ရှိကျေးရွာတွေထဲကို ဩဂုတ်လ ၇ ရက်၊ဒီနေ့ မနက်၁ နာရီအချိန်ကစပြီး မူးမြစ်ရေတွေ စတင်ဝင်ရောက်လာနေပါတယ်။
မြစ်ရေဝင်ရောက်လာမှုကြောင့် ဥယျာဉ်၊ ကျွန်းတောကြီး၊ ယာတော်၊ မကျီးအုပ်၊ သရက်ပင်စု၊ ကားဆိပ်နဲ့ မြင်းဒေါင်းစတဲ့ ကျေးရွာတွေမှဒေသခံပြည်သူထောင်ချီ ဘေးလွတ်ရာကိုရေဘေးရှောင်နေကြရတာပါ။
အဲဒီအပြင် အင်းပတ်၊ ရွာသစ်၊ မူးသာ၊ သက်ပေး၊ ဇီးတော၊ လက်ပံကွက်နဲ့ တာတိုင်ကျေးရွာတွေမှာလည်း ရေဘေးလွတ်နိုင်မယ့်နေရာတွေကို အရေးပေါ် ရွှေ့ပြောင်းနေကြရပါတယ်။
မူးမြစ်ရေအရှိန်အဟုန်နဲ့ ဆက်လက်ဝင်ရောက်နေတာကြောင့် ရေဘေးသင့်ဒေသခံပြည်သူတွေအတွက် အကူအညီတွေလည်းလိုအပ်နေပါတယ်။
