Border News Agency
ထိုင်း၊ သြဂုတ် ၇။
ထိုင်းနိုင်ငံ၊ နွန်ထဘူရီခရိုင်ရှိ Debsirin Nonthaburi စာသင်ကျောင်းမှာဩဂုတ်လ ၇ ရက်၊ ဒီနေ့မနက်ပိုင်းက ကျောင်းသားတဦး သေနတ်နဲ့ လိုက်လံပစ်ခတ်မှုဖြစ်ပွားခဲ့ပါတယ်။
အဲဒီပစ်ခတ်မှုကြောင့် အနည်းဆုံးလူနှစ်ဦးသေဆုံးပြီး ဆယ့်ငါးဦးထက်မနည်းဒဏ်ရာရရှိခဲ့ကာ ထိခိုက်သေဆုံးသူအရေအတွက် ထပ်မံတိုးလာနိုင်ပါတယ်။
ဖြစ်စဉ်ဖြစ်ပွားပြီးနောက် အရေးပေါ် ကယ်ဆယ်ရေးအဖွဲ့တွေရောက်လာပြီး ကျောင်းသားတွေကို ဘေးလွတ်ရာသို့ အမြန်ရွှေ့ပြောင်းပေးခဲ့ပါတယ်။
ကျူးလွန်သူမှာ အဲဒီကျောင်းမှကျောင်းသားတဦးဖြစ်ပြီး ပစ်ခတ်ရတဲ့အကြောင်းအရင်းကိုတော့ အာဏာပိုင်တွေကဆက်လက်စုံစမ်းစစ်ဆေးနေပါတယ်။
