Border News Agency
နေပြည်တော်၊ အောက်တိုဘာ ၃၁။
အာရက္ခတပ်တော်(AA)ထိန်းချုပ်ထားတဲ့ပလက်ဝမြို့နယ်အပါအဝင် တဆယ့်ငါးမြို့နယ်စလုံးကို စစ်ကော်မရှင်ကအရေးပေါ်အခြေအနေဆက်ကြေညာပါတယ်။
စစ်ကော်မရှင်ရဲ့အမျိုးသားကာကွယ်ရေးနဲ့ လုံခြုံရေးကောင်စီက အောက်တိုဘာလ ၃၁ ရက်၊ ဒီနေ့က ဥပဒေကဲ့သို့ အာဏာတည်အမိန့်အမှတ် ၃/၂၀၂၅ကို ထုတ်ပြန်တာပါ။
အဲဒီတိုင်းဒေသကြီးနဲ့ပြည်နယ်ကိုးခုက မြို့နယ်ခြောက်ဆယ်သုံးမြို့နယ်ကို အ ရေးပေါ်အခြေအနေကြေညာခဲ့တာကို နောက်ထပ်ရက်ပေါင်းကိုးဆက်တိုးလို က်တယ်လို့ ဆိုပါတယ်။
အဲဒီအထဲမှာ အာရက္ခတပ်တော်ထိန်းချုပ်ထားတဲ့ပလက်ဝမြို့နယ်၊ ရမ်းဗြဲမြို့နယ်၊ ပေါက်တောမြို့နယ်၊ ပုဏ္ဏားကျွန်းမြို့နယ်၊ ရသေ့တောင်မြို့နယ်၊ ဂွမြို့နယ်၊ မောင်တောမြို့နယ်၊ ဘူးသီးတောင်မြို့နယ်၊ ကျောက်တော်မြို့နယ်၊ မင်းပြားမြို့နယ်၊ မြေပုံမြို့နယ်၊ မြောက်ဦးမြို့နယ်၊ သံတွဲမြို့နယ်၊ အမ်းမြို့နယ်၊ တောင်ကုတ်မြို့နယ်ဖြစ်ပါတယ်။
အဲဒီမြို့နယ်ခြောက်ဆယ့်သုံးမြို့နယ်ကို ပြီးခဲ့တဲ့ ဇူလိုင် ၃၁ ရက်နေ့က အရေးပေါ်အခြေအနေအဖြစ်ရက်ပေါင်းကိုးဆယ်ကြေညာထားတာဖြစ်ပြီးရက်ပေါင်းကိုးဆယ်ထပ်မံသက်တမ်းတိုးလိုက်တာပါ။
စစ်ကော်မရှင်ဟာ လာမယ့်ဒီဇင်ဘာလ ၂၈ ရက်နေ့မှာရွေးကောက်ပွဲအပိုင်း ၁ ပြုလုပ်မှာဖြစ်ပြီး စစ်တွေ၊ ကျောက်ဖြူ၊ မာန်အောင်သုံးမြို့နယ်အပါအဝင် အာရက္ခတပ်တော်ထိန်းချုပ်ထားတဲ့သံတွဲ၊တောင်ကုတ်၊ အမ်း၊ ဂွစတဲ့လေးမြို့နယ်မှာလည်း ပြုလုပ်မယ်လို့ စစ်ကော်မရှင်ထုတ်ပြန်ထားပါတယ်။
ဒါပေမယ့် လာမယ့် ၂၀၂၆ ခုနှစ်၊ဇန်နဝါ ရီလပြုလုပ်မယ့်ရွေးကောက်ပွဲအပိုင်း ၂ မှာတော့ ရခိုင်မပါပါဘူး။
စစ်ကော်မရှင်တပ်ပစ်ခတ်တိုက်ခိုက်လို့ သုံးရက်မှာအရပ်သားဆယ့်နှစ်ဦးသေ ဆုံးပြီးသုံးဆယ်နှစ်ဦးဒဏ်ရာရသွားတ ယ်လို့ အောက်တိုဘာလ ၃၁ ရက်၊ ဒီနေ့ရက္ခိုင်အမျိုးသားအဖွဲ့ချုပ်ထုတ်ပြန်ပါတယ်။
အဲဒါကြောင့် အာရက္ခဒေသအတွင်းနေမိဘပြည်သူတွေလည်း စစ်ကော်မရှင်တပ်ရဲ့ လေကြောင်း၊ ရေကြောင်းလက်နက်ကြီး၊ ဒရုန်းတွေ တိုက်ခိုက်မှုရန်ကို အရင်ထက်ပိုမိုသတိထားကြဖို့စစ်ရေးသတိအပြည့်အဝနေ့၊ ည အချိန်မရွေး ရှိကြဖို့ ရက္ခိုင်အမျိုးသားအဖွဲ့ချုပ်အထူးအသိပေးတိုက်တွန်းထားပါတယ်။
