Border News Agency
ကျောက်တော်၊နိုဝင်ဘာ ၁၀။

ကမ္ဘာ့ရာသီဥတုပြောင်းလဲမှုဒဏ်ကို အာရက္ခတောင်သူတွေ ကြုံတွေ့ခံစားနေကြရပြီး စိုက်ခင်းတွေပျက်စီးဆုံးရှုံးမှုတွေကြုံနေကြရတယ်လို့ တောင်သူတွေကဆိုကြပါတယ်။

အဲဒီရာသီဥတုပြောင်းလဲမှုကြောင့် အချိ န်အခါမဟုတ် မိုးအဆက်မပြတ်ရွာတာမို့ စိုက်ခင်းတွေပျက်စီးပြီး ပျိုးပင်တွေသေသွားတယ်လို့ တောင်သူတွေက ဆိုကြပါတယ်။

“မိုးကုန်ပေမယ့် မိုးကရွာနေသေးတယ်။ပုံမှန်ဆို တန်ဆောင်မုန်းလဆိုရင်မိုးပြ တ်ပြီလေ။ခုက မိုးအဆက်မပြတ်ရွာ​တ ယ်။ရာသီဥတုမမှန်တာပေါ့။စိုက်ခင်းတွေနဲ့အပင်ငယ်တွေက မိုးများတော့ဒဏ်မခံနိုင်ကြဘူး။သေကြတယ်။ ရာသီဥတုမမှန်လို့ ဒီနှစ်ပျက်စီးဆုံးရှုံးမှုများတယ်။” လို့ကျောက်တော်မြို့နယ်ရှိ တောင်သူတဦးက Border News Agency ကိုပြောပါတယ်။

အဲဒီအပင်ငယ်တွေဟာ ရာသီဥတုပြော င်းလဲလာတာမို့ မိုးများပြီး အအေးဒဏ်ကြောင့်ရေတောက်ပြိုကျသေသွားတ ယ်လို့ တောင်သူတွက ဆိုကြပါတယ်။

အဲဒီစိုက်ခင်းတွေ ပျက်စီးသွားတာတွေကို အစားထိုးစိုက်ပျိုးဖို့ မျိုးစေ့တွေ ဝ ယ်ရတာအခက်အခဲတွေရှိနေကြသလိုမျိုးစေ့တွေစျေးကြီးတာအပါအဝင်ကုန်ကျစာရိတ်တွေများတယ်လို့ တောင်သူတွေက ဆိုကြပါတယ်။

“မူလစိုက်ပျိုးချိန်ကနေမျိုးစေ့တွေကိုဈေးကြီးပေးပြီးဝယ်ယူခဲ့ရတယ်။ ပျက်စီးသွားတော့ထပ်ဝယ်ဖို့ငွေကြေးအခက် အခဲရှိတယ်။ မျိုးစေ့ဈေးနှုန်းတွေကလည်းအရမ်းမြင့်တယ်။ နှစ်ထပ်ကွင်းနစ် နာတာပေါ့။” လို့ ကျောက်တော်မြို့နယ်ရှိတောင်သူတဦးက Border News Agency ကိုပြောပါတယ်။

အဲဒီအပြင် စက်သုံးဆီဈေးတွေတက်နေတာသလို မိုးဆက်ရွာနေတာမို့ ကုန်ကျစာရိတ်နှစ်ဆတိုးသွားတယ်လို့ တောင်သူတွေက ဆိုကြပါတယ်။

အဲဒီလိုရာသီဥတုပြောင်းလဲမှုကြောင့် အစားထိုးစိုက်ပျိုးချိန်နောက်ကျတာမို့ အသီးအနှံတွေကောင်းစွာမဖြစ်ထွန်းမှာကိုလည်း စိုးရိမ်နေကြတယ်လို့ တောင် သူတွေက ဆိုကြပါတယ်။

အာရက္ခဒေသမှာ စိုက်ပျိုးမြေဧကဆယ့်နှစ်သိန်းခွဲကျော်ရှိပြီးဆောင်းသီးနှံစိုက်မြေဧကမှာ ငါးသိန်းကျော်ထိရှိပေမယ့် စစ်ရေးပဋိပက္ခတွေကြောင့် ဆော င်းသီးနှံစိုက်ဧကခြောက်ဆယ်ရာခို င်နှုန်းထိ နည်းသွားတယ်လို့ တောင်သူတွေက ဆိုကြပါတယ်။