Border News Agency
နေပြည်တော်၊ ဒီဇင်ဘာ ၂၅။

စစ်ကော်မရှင်တပ်ရဲ့ ဝါဒမှိုင်းဖြန့်ချိီရေးမှာ အဓိကနေရာကရှိနေတဲ့  မြဝတီသတင်း(MWD News) TikTok စာမျက်နှာကို TikTok ကုမ္ပဏီကနေအပြီးတိုင် ဖယ်ရှားလိုက်တယ်လို့ Justice For Myanmarက ဒီဇင်ဘာလ ၂၆ ရက်၊ ဒီနေ့ထုတ်ပြန်ပါတယ်။

အဲဒီမြဝတီသတင်း Tiktok စာမျက်နှာဟာ စစ်ကော်မရှင်တပ်ရဲ့ပြည်သူ့ဆက်ဆံရေးနဲ့ စိတ်ဓာတ်စစ်ဆင်ရေးညွှန်ကြားရေးမှူးရုံးကနေတိုက်ရိုက်ကြီးကြပ်လုပ်ကိုင်နေတာ ဖြစ်တယ်လို့ ဆိုပါတယ်။

ခုလို TikTok ကဖြုတ်ချလိုက်တာဟာ စစ်ကော်မရှင်တပ်ရဲ့ ဝါဒဖြန့်မှုအပေါ်ထင်ရှားတဲ့အရေးယူမှုတခု ဖြစ်တာကို Justice ForMyanmar က TikTok ဆီစာရေးသားပေးပို့ပြီးနောက်မှာ ဖြုတ်ချခံရတာလို့ဆိုပါတယ်။

အဲဒီအပြင် TikTok နဲ့ အခြားနည်းပညာကုမ္ပဏီတွေအနေနဲ့လည်း ကျန်ရှိနေသေးတဲ့ စစ်ကော်မရှင်တပ်ရဲ့ ဝါဒမှိုင်းဖြန့်အကောင့်တွေကို ဆက်ပြီးဖြုတ်ချပေးဖို့နဲ့ သူတို့ရဲ့ပလက်ဖောင်းတွေကို စစ်ကော်မရှင်တပ်က အသုံးပြုနေတာကိုထပ်ပြီးပိတ်ပင်ပေးဖို့ တောင်းဆိုထားတယ်လို့လည်း ဆိုပါတယ်။

ဒီဇင်ဘာလအတွင်းမှာ စစ်ကောင်စီရဲ့ ဝါဒဖြန့်အကောင့်ပေါင်း နှစ်ရာ့ခုနှစ်ဆယ်နှစ်ခုထက်မနည်းကို နည်းပညာကုမ္ပဏီကြီးတွေက ဖယ်ရှားပိတ်သိမ်းခဲ့တယ်လို့ ဆိုပါတယ်။

အဲဒီလို ဖယ်ရှားခံရတဲ့ထဲမှာ Facebook ပေါ်က MITV၊ ရတနာပုံသတင်းစာ၊ MRTV နဲ့ MRN News တို့လို အကောင့်တွေအပြင် YouTube ပေါ်က ပြန်ကြားရေးဝန်ကြီးဌာန (MOI) နဲ့ Twitch ပေါ်က MRTV အကောင့်တွေလည်း ပါဝင်နေပါတယ်။