Border News Agency
စစ်ကိုင်း၊ ဇန်နဝါရီ ၁၈။
စစ်ကိုင်းတိုင်း၊ ရွှေဘိုမြို့နယ်၊ ဝက်လက်၊ ရွှေဘို၊ မြောင်၊ ဒီပဲယင်း မှာ သပိတ်အင်အားစုတွေနဲ့ ငြိမ်းချမ်းရေးစာသင်ခန်းတို့ ပူးပေါင်းပြီး “ဘူးသပိတ်ဆင်နွှဲ ဖက်ဆစ်ဖြိုလှဲ” ဘန်နာစာသားတွေနဲ့ အထိုင်သပိတ်တိုက်ပွဲ ဆင်နွှဲခဲ့ကြပါတယ်။
အဲဒီလိုတော်လှန်ရေးကာလ ငါးနှစ်ထဲရောက်ရှိလာချိန်မှာ ပြည်သူတွေတော်လှန်ရေးစိတ်ဓာတ်မကျဆင်းစေဖို့နဲ့ အမောပြေစေဖို့အတွက် တော်လှန်ရေးသီချင်းတွေနဲ့ပါ ဖျော်ဖြေတင်ဆက်ခဲ့ကြတာပါ။
ဒီသပိတ်လှုပ်ရှားမှုမှာ ရွှေကြာ (ပကဖ) တီးဝိုင်းအဖွဲ့ကလည်း လာရောက်အားဖြည့်ဖျော်ဖြေပေးခဲ့ပြီး ဒေသခံပြည်သူတွေကလည်း ပါဝင်အားပေးခဲ့ကြပါတယ်။
အဲဒီတော်လှန်ရေးအင်အားစုတွေက ဖက်ဆစ်စနစ်အမြစ်ပြတ်တဲ့အထိ ပြည်သူလူထုနဲ့အတူ အရှိန်အဟုန်မပျက် ဆက်လက်တိုက်ပွဲဝင်သွားမယ်လို့ သန္နိဋ္ဌာန်ပြုခဲ့ကြပါတယ်။
