Border News Agency
ဘင်္ဂလားဒေ့ရှ်၊ဩဂုတ် ၁၈။
ဘင်္ဂလားဒေ့ရှ်နိုင်ငံဆိုင်ရာမြန်မာသံအမတ်ကြီးဦးကျော်စိုးမိုးကို ဘင်္ဂလားဒေ့ရှ်နိုင်ငံခြားရေးဝန်ကြီးဌာန ညွှန်ကြားရေးမှူးချုပ်မစ္စတာအမ်ဒ်တောဖစ်ခ်-ဦးရ်-ရာဟ်မန်က ဩဂုတ်လ ၁၈ ရက်၊ ဒီနေ့မှာတွေ့ဆုံပြီး ဒုက္ခသည်စိစစ်ရေးလုပ်ငန်းစဉ်တွေကို အရှိန်မြှင့်ဆောင်ရွက်ပေးဖို့ တိုက်တွန်းလိုက်ပါတယ်။
မြန်မာနိုင်ငံခြားရေးဝန်ကြီးဌာနရဲ့ ဩဂုတ်လ ၁၅ ရက်စွဲပါထုတ်ပြန်ချက်မှာ ဒုက္ခသည်အရေအတွက်ဆိုင်ရာစာရင်းအင်းတွေဟာ မှားယွင်းနေတယ်လို့ ဘင်္ဂလားဒေ့ရှ်ဘက်ကထောက်ပြခဲ့တာပါ။
နှစ်နိုင်ငံသဘောတူညီချက်တွေအတိုင်း စိစစ်ရေးကိုမြှင့်တင်ဖို့နဲ့ စခန်းတွေမှာမွေးဖွားလာတဲ့ကလေးငယ်တွေအပြင် ၂၀၁၇ နောက်ပိုင်း ထွက်ပြေးလာသူတွေကိုပါထည့်သွင်းစိစစ်ပေးဖို့ ဘင်္ဂလားဒေ့ရှ်ဘက်ကတောင်းဆိုခဲ့ပါတယ်။
အဲဒီအပြင် ရိုဟင်ဂျာတွေဟာဘင်္ဂါလီတွေမဟုတ်ဘဲ ကိုယ်ပိုင်လူမျိုးစုဆိုင်ရာလက္ခဏာတွေရှိကြောင်းကိုလည်း ဘင်္ဂလားဒေ့ရှ် ညွှန်ကြားရေးမှူးချုပ်က ထောက်ပြပြောဆိုခဲ့တာပါ။
မြန်မာသံအမတ်ကြီးကလည်း အဲဒီအချက်တွေကို မိမိတို့နိုင်ငံဆီအကြောင်းကြားပေးမှာဖြစ်ပြီး စိစစ်ပြီးသူတွေပြန်လည်နေရာချထားရေးကို အရှိန်မြှင့်ဆောင်ရွက်သွားမယ်လို့လည်းဆိုပါတယ်။
