Border News Agency
အရာတော်၊ သြဂုတ် ၁၈။
စစ်ကိုင်းတိုင်း၊အရာတော်မြို့နယ်က ရေဘေးသင့်ကျေးရွာနှစ်ရွာကို အာဏာသိမ်းစစ်တပ်လေကြောင်းတိုက်ခိုက်လို့ အရပ်သားတဦးသေဆုံးပြီး ဆယ့်တဦးဒဏ်ရာရသွားတယ်လို့ အရာတော်မြို့နယ် ပြည်သူ့ကာကွယ်ရေးအဖွဲ့က ဩဂုတ်လ ၁၈ ရက်၊ဒီနေ့ထုတ်ပြန်ပါတယ်။
အဲဒီရေဘေးသင့်နေတဲ့ ကောင်းသစ်ကျေးရွာကို သြဂုတ် ၁၇ ရက်၊နေ့လည် ၁၂ နာရီအချိန်ခန့်က ရွှေဘိုလေ့ကျင့်ရေး ၈ ကနေတက်လာတဲ့ စစ်တပ်ရဲ့ဆူဆိုက်ဒရုန်းနှစ်စီးနဲ့ လေကြောင်းတိုက်ခိုက်ခဲ့တာလို့ဆိုပါတယ်။
အဲဒီလိုတိုက်ခိုက်ခဲ့တာကြောင့် ကောင်းသစ်ကျေးရွာနေအရပ်သားတဦးသေဆုံးပြီး ဆယ်ဦးဒဏ်ရာရသွားခဲ့တယ်လို့ ဆိုပါတယ်။
အဲဒီအပြင်ကြွေပုဂံကျေးရွာကို သြဂုတ်လ ၁၇ ရက်၊ည ၁၁ နာရီအချိန်ခန့်ကလည်း မုံရွာအနောက်မြောက်တိုင်းစစ်ဌာနချုပ်ကနေတက်လာတဲ့ စစ်တပ်ဆူဆိုက်ဒရုန်းနှစ်စီးနဲ့ လေကြောင်းတိုက်ခိုက်ခဲ့လို့ အရပ်သားတဦးဒဏ်ရာရသွားခဲ့တယ်လို့ ဆိုပါတယ်။
အာဏာသိမ်းစစ်တပ်ဟာ စစ်ကိုင်းတိုင်းက ရေဘေးသင့်ဒေသတွေကို လေကြောင်းတိုက်ခိုက်တာတွေပြုလုပ်နေပြီး ပြီးခဲ့တဲ့ရက်ပိုင်းကလည်း ခင်ဦးမြို့နယ်နဲ့ တန့်ဆည်မြို့နယ်က ရေဘေးသင့်ပြည်သူအချို့ ဒဏ်ရာရသွားခဲ့ပါသေးတယ်။
အာဏာသိမ်းစစ်တပ်ဟာ ရေဘေးသင့်ပြည်သူတွေကိုလည်း ရွယ်ရည်ချက်ရှိရှိလေကြောင်းပစ်မှတ်ထားတိုက်ခိုက်နေတယ်လို့ ပြည်သူတွေကဆိုကြပါတယ်။
