Border News Agency
တနင်္သာရီတိုင်း၊ ဖေဖော်ဝါရီ ၁၂။
တနင်္သာရီတိုင်း၊ သရက်ချောင်းမြို့နယ်တိုက်ပွဲမှာ စစ်ကော်မရှင်တပ်ဖွဲ့ကိုးဦးသေဆုံးပြီး လက်နက်ခုနှစ်လက်သိမ်းဆည်းရမိခဲ့တယ်လို့ KNU မြိတ်-ထားဝယ်ခရိုင်က ဖေဖော်ဝါရီလ ၁၁ ရက်၊မနေ့ကထုတ်ပြန်ပါတယ်။
အဲဒီသရက်ချောင်းမြို့ကနေ ဝင်းဝတပ်စခန်းကို အင်အားဖြည့်ဖို့ စစ်ကြောင်းထိုးလာတဲ့ စစ်ကော်မရှင်တပ်ရင်း ၄၀၃၊ ၄၀၄ နဲ့ ၄၀၅ ပူးပေါင်းစစ်ကြောင်းကို ဖေဖော်ဝါရီလ ၁၀ ရက်နေ့ကကြားဖြတ်တိုက်ခိုက်ခဲ့တာပါ။
အဲဒီတိုက်ပွဲအတွင်းမှာ စစ်ကော်မရှင်ဘက်ကကိုးဦး သေဆုံးသွားခဲ့ပြီး MA-1 နှစ်လက်၊ MA-3 ငါးလက်နဲ့ ခဲယမ်းအချို့ကို တော်လှန်ရေးတပ်ဖွဲ့တွေဘက်က သိမ်းဆည်းရမိခဲ့တယ်လို့ဆိုပါတယ်။
အဲဒီ စစ်ကော်မရှင်တပ်စစ်ကြောင်းကို KNLA တပ်မဟာ ၄၊ တပ်မဟာ ၆ နဲ့ တော်လှန်ရေးပူးပေါင်းစစ်ကြောင်းတွေပူးပေါင်းတိုက်ခိုက်ခဲ့တာလို့ဆိုပါတယ်။
