Border News Agency
မင်းပြား၊ မတ် ၂။
အာရက္ခတပ်တော်ထိန်းချုပ်ထားတဲ့ မင်းပြားမြို့နယ်မှာ ကားတိုက်ခံရလို့ သက်ကြီးပိုင်းအမျိုးသားတဦးသေဆုံးသွားတယ်လို့ သိရပါတယ်။
မင်းပြားမြို့နယ်၊ တောင်ရှည်ပြင်(ချင်း)ကျေးရွာမှ အသက်ခြောက်ဆယ်အရွယ် ဦးမောင်စိန် သေဆုံးသွားတာလို့ ဆိုပါတယ်။
အဲဒီ ဦးမောင်စိန်ဟာ မတ်လ ၁ ရက်နေ့၊ မနက်၉ နာရီ ၄၅ မိနစ်အချိန်ခန့်က တောင်ကိုထင်းခုတ်သွားရင်း တောင်ရှည်ပြင်ရွာထဲရှိတောင်တက်လမ်းကွေ့မှာ ကားတိုက်ခံလိုက်ရတာလို့ ဆိုပါတယ်။
အဲဒီကားဟာ မြေပုံဘက်မှသဲတင်ပြီး မောင်းနှင်လာတဲ့ ဦးထွန်းထွန်းမောင်ရဲ့ တေဘာကားမှ မတော်တဆဝင်တိုက်မိခဲ့တာကြောင့် ဦးမောင်စိန်မှာ ကားတိုက်ခံရတဲ့နေရာမှာတင်ပွဲချင်းပြီးသေဆုံးသွားတယ်လို့ ဆိုပါတယ်။
လက်ရှိမှာ ကားမောင်းသူ ဦးထွန်းထွန်းမောင်ကို တရားဥပဒေစိုးမိုးရေးနဲ့ပြည်သူ့လုံခြုံရေးဌာန(DLEPS)မှ ထိန်းသိမ်းထားပြီး တရားဥပဒေအရအရေးယူဆောင်ရွက်နေတယ်လို့ ဆိုပါတယ်။
