Border News Agency
အမေရိကန်၊ မတ် ၃။
Operation Epic Fury စစ်ဆင်ရေးအတွင်း အီရန်ရဲ့တိုက်ခိုက်မှုကြောင့် ဒဏ်ရာပြင်းထန်နေတဲ့ အမေရိကန်စစ်သည်တဦး ထပ်ပြီးကွယ်လွန်သွားတာကြောင့် စုစုပေါင်း ကျဆုံးသူ ၄ ဦး အထိ ရှိလာပြီဖြစ်တယ်လို့အမေရိကန်ဗဟိုစစ်ဌာနချုပ် (CENTCOM) က ထုတ်ပြန်လိုက်ပါတယ်။
လက်ရှိမှာ တခြားစစ်သည် ၄ ဦးမှာလည်း ပြင်းထန်ဒဏ်ရာရရှိထားပြီး အချို့မှာတော့ ဗုံးစထိမှန်တာနဲ့ ဦးနှောက်တုန်ခါတာမျိုးတွေလို ဒဏ်ရာအနည်းငယ် ရရှိခဲ့ကြပါတယ်။
ဒဏ်ရာအနည်းငယ်ရရှိတဲ့ စစ်သည်အချို့ကတော့ တာဝန်ပြန်ထမ်းဆောင်ဖို့ ပြင်ဆင်နေကြပြီလို့ သိရပါတယ်။
CENTCOM အနေနဲ့ အဓိကတိုက်ခိုက်ရေးစစ်ဆင်ရေးတွေကို အရှိန်အဟုန်နဲ့ ဆက်လက်ဖော်ဆောင်နေပြီး အီရန်ရဲ့တိုက်ခိုက်မှုတွေကို တုံ့ပြန်ဖို့ အနီးကပ် ကိုင်တွယ်ဖြေရှင်းနေပါတယ်။
ကျဆုံးသွားတဲ့ စစ်သည်တွေရဲ့အမည်နဲ့ အချက်အလက်တွေကိုတော့ မိသားစုဝင်တွေထံ အကြောင်းကြားပြီး ၂၄ နာရီကြာမှသာ တရားဝင်ထုတ်ပြန်ပေးသွားမှာ ဖြစ်ပါတယ်။
အခုအခါမှာ အမေရိကန်ဘက်က တုံ့ပြန်မှုတွေ ဆက်တိုက်ရှိနေသလို ဒေသတွင်း စစ်ရေးအခြေအနေတွေဟာလည်း အလွန်တင်းမာနေတယ်လို့ သိရပါတယ်။
