Border News Agency
မြောက်ဦး၊ မတ် ၆။
အာရက္ခတပ်တော်ထိန်းချုပ်ထားတဲ့ မြောက်ဦးမြို့ကသမိုင်းဝင်လက်ဆည်ကန်နဲ့ အနူမကန်တွေကို စနစ်တကျပြုပြင်ထိန်းသိမ်းဖို့ အာရက္ခပြည်သူ့အစိုးရက ပြင်ဆင်နေပါတယ်။
အဲဒီရေကန်တွေဟာ မြောက်ဦးခေတ်က ရန်သူတွေမဝင်နိုင်အောင်တူးဖော်ခဲ့တဲ့ ရေကျုံးဟောင်းတွေဖြစ်သလို အခုထိလည်းမြို့ခံတွေသောက်သုံးရေအတွက် အဓိကအားထားနေရတာပါ။
အရင်အစိုးရအဆက်ဆက်မှာ ထိန်းသိမ်းမှုအားနည်းခဲ့လို့ ပျက်စီးယိုယွင်းမှုတွေရှိနေခဲ့ပါတယ်။
အခုအခါမှာတော့ ကန်တွေရေရှည်တည်တံ့ဖို့နဲ့ သန့်ရှင်းစေဖို့အတွက် ရေကန်အတွင်း ရေချိုးတာ၊ အဝတ်လျှော်တာ၊ တိရစ္ဆာန်ပေးဝင်တာနဲ့ အမှိုက်စွန့်ပစ်တာတွေကို လုံးဝမလုပ်ဖို့ တားမြစ်ထားပါတယ်။
ဒီစည်းကမ်းတွေကိုဖောက်ဖျက်ရင် တည်ဆဲဥပဒေအတိုင်း ထိထိရောက်ရောက်အရေးယူမယ်လို့ အာရက္ခပြည်သူ့အစိုးရက ထုတ်ပြန်ထားပါတယ်။
အာရက္ခပြည်သူ့အစိုးရရဲ့ ရှေးဟောင်းသုတေသနဌာနက မြောက်ဦးအပါအဝင် အာရက္ခဒေသတခုလုံးက ရှေးဟောင်းအမွေအနှစ်တွေကို ဆက်တိုက်ပြုပြင်ထိန်းသိမ်းနေတာလည်း ဖြစ်ပါတယ်။
