Border News Agency
သံတွဲ၊ သြဂုတ် ၁၀။
သံတွဲမြို့နယ်၊ ကျောက်ကြီးကျေးရွာကို ဩဂုတ်လ ၁၀ ရက်၊ ဒီနေ့ နေ့လည် ၁ နာရီအချိန်မှာ အာဏာသိမ်းစစ်တပ်လေကြောင်းတိုက်ခိုက်ခဲ့လို့ အရပ်သားဆယ်ဦးသေဆုံးပြီး ရှစ်ဦးဒဏ်ရာရရှိခဲ့တယ်လို့ အာရက္ခတပ်တော်(AA) ထုတ်ပြန်ပါတယ်။
အဲဒီကျောက်ကြီးကျေးရွာ ဓမ္မရောင်ခြည်ဘုန်းကြီးကျောင်းအနီးကို အာဏာသိမ်းစစ်တပ်လေကြောင်းတိုက်ခိုက်ခဲ့တာပါ။
အဲဒီတိုက်ခိုက်မှုကြောင့် အရပ်သားနှစ်ဦးပျောက်နေပြီး နေအိမ်နှစ်ဆယ်ခန့်ပျက်စီးသွားခဲ့ပါတယ်။
အဲဒီသံတွဲမြို့နယ်ကို အာဏာသိမ်းစစ်တပ်လေကြောင်းတိုက်ခိုက်တာတွေ မကြာခဏလုပ်နေလို့ အရပ်သားတွေသေဆုံးပြီးနေအိမ်တွေပျက်စီးနေပါတယ်။
အဲဒါကြောင့်အာဏာသိမ်းစစ်တပ်ရဲ့ လေကြောင်းနဲ့ ရေကြောင်းအန္တရာယ်ကို ပြည်သူတွေသတိထားကြဖို့ အာရက္ခတပ်တော်အသိပေးထားပါတယ်။
