Border News Agency
သံတွဲ၊ စက်တင်ဘာ ၂၆။
အာရက္ခတပ်တော်(AA)ထိန်းချုပ်ထားတဲ့ သံတွဲခရိုင်၊ဂွမြို့နယ်၊ကျိန္တလီမြို့၊ အမှတ် ၂ ရပ်ကွက်ကို စက်တင်ဘာလ ၂၆ ရက်၊ဒီနေ့ ည ၁ နာရီ ၁၀ မိနစ်အချိန်က အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီလို လေကြောင်းတိုက်ခိုက်ခဲ့တာကြောင့် အရပ်သားနှစ်ဦးဒဏ်ရာရသွားခဲ့သလို နေအိမ်အများအပြားလည်း ပျက်စီးခဲ့ပါတယ်။
အဲဒီကျိန္တလီမြို့၊ အမှတ် ၂ ရပ်ကွက်မှ အသက်လေးဆယ်တနှစ်အရွယ် ဒေါ်ခင်သီတာစန်းမှာပေါင်နဲ့ ခြေထောက်မှာဒဏ်ရာရသွားခဲ့ပါတယ်။
အဲဒီအပြင် အသက်လေးဆယ်ခုနှစ်နှစ်အရွယ် ဦးမိုးလွင်မှာ ဝမ်းဗိုက်မှာဒဏ်ရာရသွားခဲ့ပါတယ်။
အာဏာသိမ်းစစ်တပ်ဟာ အရက္ခတပ်တော်ထိန်းချုပ်နယ်မြေတွေရှိ အရပ်သားတွေနေထိုင်တဲ့နေရာတွေကို လေကြောင်း၊လက်နက်ကြီးတွေနဲ့ ရွယ်ရည်ချက်ရှိရှိပစ်ခတ်တိုက်ခိုက်နေတာကြောင့် အရပ်သားတွေ သေဆုံး၊ဒဏ်ရာရနေကြရပါတယ်။
အဲဒါကြောင့် ပြည်သူတွေအနေနဲ့ အာဏာသိမ်းစစ်တပ်ရဲ့ လေကြောင်းနဲ့ ရေကြောင်းအန္တရာယ်ကို သတိထားကြဖို့ အာရက္ခတပ်တော်က ထပ်ပြီးအသိပေးထားပါတယ်။
