​Border News Agency
ပခုက္ကူ၊ မတ် ၁၆။

​မကွေးတိုင်း၊ ပခုက္ကူမြို့နယ်အနောက်ခြမ်းမှာ အင်အား ၇၀ လောက်နဲ့ ထွက်လာတဲ့ စစ်ကော်မရှင်တပ် စစ်ကြောင်းကို ပြည်သူ့လွတ်မြောက်ရေးတပ်မတော် (PLA) နဲ့ မဟာမိတ်တပ်ဖွဲ့တွေက မတ်လ ၁၅ ရက်နေ့မှာ ကြားဖြတ်တိုက်ခိုက်ခဲ့ပါတယ်။

အဲ​ဒီတိုက်ပွဲအတွင်း စစ်ကော်မရှင်တပ်ဘက်က ၅ ဦး သေဆုံးတာကို မျက်မြင်အတည်ပြုနိုင်ခဲ့သလို လက်နက်ခဲယမ်းတချို့လည်း သိမ်းဆည်းရမိခဲ့တယ်လို့ PLAက မတ်လ ၁၆ ရက်ဒီနေ့ထုတ်ပြန်ပါတယ်။

အဲဒီကန်တော်ရွာကနေ ညောင်ဂျစ်ပင် ပြူစောထီးရွာဘက်ကို ထွက်လာတဲ့ စစ်ကြောင်းဟာ မဟာမိတ်တပ်ဖွဲ့တွေနဲ့ ၄ နာရီကြာ တိုက်ပွဲပြင်းထန်ခဲ့ပြီးနောက်မှာတော့ ရှေ့ဆက်မတိုးနိုင်ဘဲ ကန်တော်ရွာစခန်းဘက်ကိုပဲ ပြန်ဆုတ်ခွာသွားခဲ့တယ်လို့ဆိုပါတယ်။

အဲ​ဒီ စစ်ကော်မရှင်တပ်စစ်ကြောင်းကို PLA နဲ့အတူ MGYPDF၊ ကမ္မတပ်ပေါင်းစုနဲ့ Pakokku Column တို့က ပူးပေါင်းတိုက်ခိုက်ခဲ့တာလို့ဆိုပါတယ်။

အဲဒီစစ်ကြောင်းဟာ ကမ္မမြို့နယ်ရဲစခန်းနဲ့ ကန်တော်ရွာ၊ ညောင်ဂျစ်ပင်ရွာ စခန်းတွေကို လှည့်လည်သွားလာနေတဲ့ စစ်ကြောင်းလည်းဖြစ်တယ်လို့ ဆိုပါတယ်။