Border News Agency
မောင်တော၊ မတ် ၁၈။
မောင်တောမြို့နယ်၊ အောင်သုခကျေးရွာမှ အသက်နှစ်နှစ်ကျော်အရွယ်ကလေးမလေးကို မုဒိန်းမှုကျူးလွန်သတ်ဖြတ်ပြီး အလောင်းဖျောက်ဖို့ကြိုးစားခဲ့ကြသူတွေကို အာရက္ခအစိုးရရဲ့ဘူးသီးတောင်အကျဥ်းဖောင်ကို မတ်လ ၁၇ ရ က်၊ မနေ့က ပို့လိုက်ပါတယ်။
အဲဒီအောင်သုခကျေးရွာမှအသက်နှစ်နှစ်ကျော်အရွယ်ကလေးမလေးကို မတ်လ ၁၆ ရက်နေ့က တရွာတည်းနေအသက်ဆယ်လေးနှစ်အရွယ်ယောကျ်ားလေးမှမုဒိန်းမှုကျူးလွန်ပြီးသတ်ဖြတ်လိုက်တာပါ။
အဲဒီအပြင်အလောင်းကိုဖျောက်ဖို့ကြိုးစားတာမို့ အာရက္ခအစိုးရရဲဌာနကဖမ်းဆီးစစ်ဆေးပြီး ဘူးသီးတောင်အကျဥ်းထောင်ကို ပို့လိုက်တာဖြစ်ပါတယ်။
“ဖမ်ဆီးလာတဲ့သူသုံးဦးထဲက အဖြစ်နိုင်ဆုံးအသက်ငယ်ပိုင်းလူငယ်ကို ခေါ်ယူစစ်ဆေးတဲ့အခါ အဖြစ်မှန်ပေါ်ပေါက်ခဲ့ပါတယ်။သူကို ညနေပိုင်းမှာ မောင်တောကနေ ဘူးသီးတောင်အကျဉ်းထောင်ကိုပို့ထားလိုက်ပါတယ်။” လို့ အာရက္ခအစိုးရတာဝန်ရှိသူတဦးကBorder News Agency ကို ပြောပါတယ်။
အဲဒီအောင်သုခကျေးရွာနေ ဒေါ်အေးငြိမ်းသန်းနေအိမ်အနောက်ဘက်လမ်းမှာ မသင်္ကာဖွယ်ရာပေါက်တူးတလက်၊ တူးလက်စမြေတွင်း၊ ဂုန်နီအိတ်နဲ့ထုတ်ထားတဲ့ကလေးမလေးရဲ့ရုပ်အလောင်းကို ရွာသားတွေတွေ့ရှိခဲ့ကြတာပါ။
အဲဒီအပြင် ကလေးမလေးအဝတ်အစားတွေကိုလည်း နေအိမ်အိမ်သာတွင်းထဲမှာတွေ့ခဲ့တာမို့ ကျူးလွန်သူရဲ့မိခင်ဖြစ်သူလည်း အလောင်းဖျောက်ဖို့ပူးပေါင်းပါဝင်ခဲ့လို့ဖမ်းဆီးထားတယ်လို့ အောင်သုခရွာသားတွေကဆိုကြပါတယ်။
“ပြစ်မူကျူးလွန်တဲ့တရားခံလူငယ်ရဲ့ မိခင်ကိုလည်းဖမ်းထားပါတယ်။ သူမိခင်လည်းအလောင်းဖျောက်ဖို့ကြိုးစားရာမှာပါဝင်နေပါတယ်။”လို့ အောင်သုခရွာသားတဦးက Border News Agency ကို ပြောပါတယ်။
အဲဒီကလေးမလေးရုပ်အလောင်းကို အာရက္ခအစိုးရကျန်းမာရေးဌာနကဆေးစစ်ကြည့်ရာမှာ ကလေးမရဲ့မအင်္ဂါစပ်နေရာမှာသွေးထွက်ပြီး အတင်းအဓမ္မပြုကျင့်ခံထားရတဲ့လက္ခဏာတွေ့ရသလို ကိုယ်တွင်းအင်္ဂါတချို့လည်းဖျက်ဆီးခံထားရတယ်လို့ ဆိုကြပါတယ်။
အဲဒီရုပ်အလောင်းကို မတ်လ ၁၇ ရက်၊ မနေ့က အောင်သုခကျေးရွာသုဿာန်မှာ မြေမြုပ်သဂြိုဟ်လိုက်ပြီလို့ရွာသားတွေကဆိုကြပါတယ်။
အဲဒီလိုသက်ငယ်မုဒိန်းမှုကျူးလွန်သူတွေကို သေဒဏ်အပါအဝင်အပြင်းထန်ဆုံးပြစ်ဒဏ်တွေပေးဖို့ အာရက္ခပြည်သူတွေတောင်းဆိုနေကြပေမယ့် အာရက္ခအစိုးရရဲ့အမိန့်ချတရားစီရင်အပြစ်ပေးမှုတွေ အားနည်းနေသေးတယ်လို့ အာရက္ခပြည်သူတွေဝေဖန်ပြောဆိုနေကြပါတယ်။
အဲဒါကြောင့်အာရက္ခတပ်တော်ထိန်းချုပ်နယ်မြေတွေမှာ သက်ငယ်မုဒိန်းမှုတွေအပါအဝင်မုဒိန်းမှုတွေမကြာခဏဖြစ်နေပြီး တချို့အမှုတွေမှာတရားခံတွေကိုဖမ်းဆီးရမိတာမရှိသလို အမှုမှန်ပေါ်ပေါက်ပြီးတရားမျှတမှုတွေမရကြဘူးလို့ အာရက္ခပြည်သူတွေကဆိုကြပါတယ်။
